బిగ్ బాస్ 9 గ్రాండ్ ఫినాలేకు పాన్ ఇండియా స్టార్?

బుల్లితెరపై ప్రేక్షకులను బాగా ఆకట్టుకుంటున్న టాప్ రియాలిటీ షో బిగ్ బాస్ తెలుగు సీజన్ 9 ఇప్పుడు ముగింపు దశకు చేరుకుంది. నాలుగో సీజన్ తర్వాత అంతటి భారీ టీఆర్పీ రేటింగ్స్ ఈ సీజన్‌కు రావడం విశేషం. ప్రస్తుతం 15 వ వారం కొనసాగుతుండగా, టాప్ 5 కంటెస్టెంట్స్ మధ్య పోటీ చాలా ఉత్కంఠగా సాగుతోంది. ఎవరు విజేతగా నిలుస్తారన్నది సోషల్ మీడియాలో పెద్ద చర్చగా మారింది.

ఇదిలా ఉండగా, గ్రాండ్ ఫినాలే ఎపిసోడ్‌కు ఓ పాన్ ఇండియా స్టార్ గెస్ట్‌గా రాబోతున్నారనే వార్తలు వినిపిస్తున్నాయి. విశ్వసనీయ సమాచారం ప్రకారం, ఈసారి ఫినాలేకు రెబల్ స్టార్ ప్రభాస్ ముఖ్య అతిథిగా వచ్చే అవకాశాలు ఉన్నాయి. గతంలో మెగాస్టార్ చిరంజీవి, అలాగే గత సీజన్‌లో గ్లోబల్ స్టార్ రామ్ చరణ్ గెస్ట్‌లుగా వచ్చారు.

ప్రభాస్ నటిస్తున్న ‘ది రాజాసాబ్’ సినిమా జనవరిలో విడుదలకు సిద్ధమవుతోంది. ఆ సినిమా ప్రమోషన్స్‌లో భాగంగా ఆయన బిగ్ బాస్ ఫినాలేకు రానున్నారని టాక్. ప్రభాస్ బిగ్ బాస్ వేదికపై కనిపిస్తే, ఈ సీజన్ క్రేజ్ మరింత పెరిగే అవకాశాలు ఉన్నాయి. అయితే, ఇది అధికారికంగా ప్రకటించాల్సి ఉంది. నిజంగా ప్రభాస్ వస్తారా లేదా అన్నది చూడాలి.