మళ్లీ కలసిన అనిరుధ్ – కావ్య మారన్… న్యూయార్క్ వీడియో వైరల్!

మ్యూజిక్ డైరెక్టర్ అనిరుధ్ రవిచందర్ మరియు సన్ టీవీ వారసురాలు కావ్య మారన్ కలిసి న్యూయార్క్ వీధుల్లో నడుస్తున్న వీడియో ఇప్పుడు సోషల్ మీడియాలో వైరల్‌గా మారింది. దీంతో వీరిద్దరి మధ్య ఉన్న డేటింగ్ రూమర్స్ మళ్లీ మండి పడ్డాయి.

ఈ సంవత్సరం ప్రారంభంలోనే అనిరుధ్–కావ్యల మధ్య ప్రేమ వ్యవహారం ఉందని వార్తలు వచ్చాయి. అయితే, ఆ సమయంలో అనిరుధ్ స్వయంగా సోషల్ మీడియాలో స్పందించి వాటిని ఖండించారు. కానీ ఇప్పుడు న్యూయార్క్‌లో వీరిద్దరూ కలిసి కనిపించడంతో రూమర్స్ మళ్లీ చర్చనీయాంశంగా మారాయి.

ఒక యూకే వ్లాగర్ షూట్ చేసిన వీడియోలో అనిరుధ్, కావ్య మారన్ న్యూయార్క్ వీధుల్లో నడుస్తూ కనిపించారు. ఆ వీడియో క్షణాల్లోనే వైరల్ అయ్యి సోషల్ మీడియాలో చర్చనీయాంశమైంది. వారితో పాటు మరో అమ్మాయి కూడా కనిపించడం నెటిజన్లలో ఆసక్తి రేపుతోంది.

సన్ టీవీతో అనిరుధ్‌కు మంచి ప్రొఫెషనల్ రిలేషన్ ఉంది. ఆ సంస్థ నిర్మించిన అనేక చిత్రాలకు ఆయన సంగీతం అందించారు. కావ్య మారన్ సొంతం అయిన సన్‌రైజర్స్ హైదరాబాద్ టీమ్ కోసం వచ్చిన ఆంథమ్ పాటను కూడా అనిరుధ్ కంపోజ్ చేశారనే వార్తలు అప్పట్లో వెలువడ్డాయి. అయితే ఆయన ఆ పాటకు క్రెడిట్ తీసుకోలేదు అని చెప్పబడింది.

ఇప్పుడీ వీడియో సోషల్ మీడియాలో దుమారం రేపుతుండగా, అనిరుధ్ లేదా కావ్య ఈసారి స్పందిస్తారా అనే ఆసక్తి అభిమానుల్లో పెరుగుతోంది.