డీకే శివకుమార్ వర్సెస్ సిద్ధరామయ్య మధ్య పోటీ

కర్ణాటకలో నాయకత్వ మార్పుపై ఊహాగానాలు బలంగా వినిపిస్తున్నాయి. ముఖ్యమంత్రి సిద్ధరామయ్య గురువారం రాజీనామా చేయవచ్చని వార్తలు వస్తున్నాయి. కొత్త ముఖ్యమంత్రి ఈ నెల 30 న ప్రమాణ స్వీకారం చేసే అవకాశం ఉందని కాంగ్రెస్ వర్గాలు తెలిపాయి. కాంగ్రెస్ అధిష్ఠానం ఈ మార్పును ఎలాంటి అంతర్గత విభేదాలు లేకుండా సాఫీగా నిర్వహించేందుకు ప్రయత్నిస్తోంది. సిద్ధరామయ్య, డీకే శివకుమార్ మధ్య సీఎం పదవికి దీర్ఘకాలంగా పోటీ కొనసాగుతోంది.

సిద్ధరామయ్య మంత్రులతో అల్పాహార విందు అనంతరం గవర్నర్‌ను కలవనున్నారని సమాచారం. మరోవైపు డీకే శివకుమార్ ఢిల్లీ నుంచి తిరిగి వచ్చి సీఎం‌తో సమావేశమయ్యే అవకాశం ఉంది. జి. పరమేశ్వర పేరు కూడా సీఎం రేసులో వినిపిస్తోంది. 2023లో ఇచ్చిన అధికార భాగస్వామ్య ఒప్పందాన్ని అమలు చేయాలని డీకే డిమాండ్ చేస్తున్నట్లు తెలుస్తోంది. మరోవైపు సామాజిక సమీకరణాలను పరిగణనలోకి తీసుకోవాలని సిద్ధరామయ్య సూచించినట్లు సమాచారం. త్వరలో స్పష్టత వచ్చే అవకాశం ఉంది.