వికీపీడియా లో కృత్రిమ మేధస్సు రచనలకు నిషేధం !

ఆన్‌లైన్ విజ్ఞాన సర్వస్వం వికీపీడియా తన కంటెంట్ విధానంలో కీలక మార్పులు చేసింది. కృత్రిమ మేధస్సుతో రూపొందించిన రచనలను వ్యాసాల్లో ఉపయోగించడం నిషేధించింది. సమాచార నమ్మకత్వం, తటస్థత, ఆధారాల సరైనత కాపాడేందుకు ఈ నిర్ణయం తీసుకున్నట్లు తెలిపింది.

అయితే కొన్ని పరిమిత సందర్భాల్లో మాత్రమే ఈ సాధనాలను వినియోగించేందుకు అనుమతి ఇచ్చింది. రచనలో చిన్న సవరణలు చేయడం, ఇతర భాషల నుంచి ఆంగ్లంలోకి అనువదించడం కోసం మాత్రమే ఉపయోగించవచ్చని పేర్కొంది. అలాంటి సందర్భాల్లో కూడా మానవ పరిశీలన తప్పనిసరిగా ఉండాలని స్పష్టం చేసింది. తప్పుడు సమాచారం చేరకుండా ఉండేందుకు ఈ చర్యలు తీసుకున్నట్లు వివరించింది.