ప్రపంచవ్యాప్తంగా టెక్ ఉద్యోగులకు షాక్.. లింక్డ్‌ఇన్, మెటా సంస్థల్లో భారీ లేఆఫ్స్

ప్రపంచవ్యాప్తంగా టెక్నాలజీ రంగంలో ఉద్యోగాల కోతలు కొనసాగుతున్నాయి. లింక్డ్‌ఇన్ సంస్థ పునర్వ్యవస్థీకరణలో భాగంగా తమ ఉద్యోగుల్లో దాదాపు 5 శాతం మందిని తొలగించేందుకు సిద్ధమవుతోంది. ప్రస్తుతం ప్రపంచవ్యాప్తంగా లింక్డ్‌ఇన్‌లో 17,500 మందికిపైగా ఉద్యోగులు పనిచేస్తున్నారు.

ఇక మెటా సంస్థ కూడా వచ్చే కొన్ని నెలల్లో సుమారు 16 వేల మంది ఉద్యోగులను తొలగించనున్నట్లు సమాచారం. తొలి దశలో ఈ నెల 20వ తేదీ నుంచి దాదాపు 8 వేల మందికి ఉద్వాసన పలకనుంది. ఈ ఏడాది ఇప్పటివరకు ప్రపంచవ్యాప్తంగా 1,03,000 మందికిపైగా టెక్నాలజీ రంగ ఉద్యోగులు ఉద్యోగాలు కోల్పోయినట్లు నివేదికలు చెబుతున్నాయి.