భారత్‌లో శాంసంగ్ గెలాక్సీ Z Fold 8 Ultra విడుదల..

శాంసంగ్ Galaxy Unpacked 2026 ఈవెంట్‌లో Galaxy Z Fold 8 Ultraను భారత మార్కెట్‌లో విడుదల చేసింది. ఈ ఫోల్డబుల్ స్మార్ట్‌ఫోన్ 12GB RAM + 256GB వేరియంట్‌కు రూ.1,99,999 ప్రారంభ ధరగా నిర్ణయించింది. 12GB + 512GB మోడల్ ధర రూ.2,19,999, 16GB + 1TB వేరియంట్ ధర రూ.2,59,999గా ఉంది. ఇందులో 8 అంగుళాల AMOLED ఇన్నర్ డిస్‌ప్లే, 6.5 అంగుళాల AMOLED కవర్ డిస్‌ప్లే, 120Hz అడాప్టివ్ రిఫ్రెష్ రేట్, అలాగే Snapdragon 8 Elite Gen 5 for Galaxy ప్రాసెసర్‌ను అందించారు.

ఈ ఫోన్‌లో 200 మెగాపిక్సెల్ ప్రధాన కెమెరా, 50MP అల్ట్రా వైడ్, 10MP టెలిఫోటో కెమెరాలతో కూడిన ట్రిపుల్ రియర్ కెమెరా వ్యవస్థ ఉంది. అలాగే రెండు 10MP సెల్ఫీ కెమెరాలు, 5,000mAh బ్యాటరీ, 45W వైర్డ్, 20W వైర్‌లెస్ ఛార్జింగ్ సపోర్ట్ లభిస్తుంది. Android 17 ఆధారిత One UI 9, కొత్త Galaxy AI, Gemini AI ఫీచర్లు, Flex Titanium టెక్నాలజీతో మరింత బలమైన డిజైన్‌ను శాంసంగ్ అందించింది. ఈ ఫోన్ గ్రాఫైట్, క్రీమ్, వైలెట్ షాడో రంగులతో పాటు ఆన్‌లైన్ ప్రత్యేక గ్రీన్ షాడో కలర్‌లో కూడా అందుబాటులో ఉంటుంది.