Solaris AIతో Runway కొత్త ప్రయోగం...

ఏఐ సంస్థ Runway ‘Interface World Model’గా పేర్కొంటున్న కొత్త Solaris AI వ్యవస్థను ఆవిష్కరించింది. ఇది సాఫ్ట్‌వేర్‌తో వినియోగదారులు ఎలా interact అవుతారనే విధానాన్ని మార్చే అవకాశం ఉందని సంస్థ చెబుతోంది. సాధారణ యాప్‌లలో డిజైనర్లు, డెవలపర్లు ముందుగానే స్క్రీన్లు, బటన్లు, మెనూలను రూపొందిస్తారు. అయితే Solaris వినియోగదారులు చేసే చర్యలకు అనుగుణంగా ఇంటర్‌ఫేస్‌ను రియల్‌టైమ్‌లో రూపొందిస్తుంది. క్లిక్‌లు, డ్రాగ్‌ అండ్‌ డ్రాప్‌ వంటి చర్యలకు స్పందిస్తూ స్క్రీన్‌ను ఫ్రేమ్‌ బై ఫ్రేమ్‌ మార్చుతుంది. వర్చువల్‌ షోరూమ్‌లు, గది డిజైన్‌ టూల్స్‌, వివిధ సిమ్యులేషన్‌ అనుభవాలను మరింత ఇంటరాక్టివ్‌గా మార్చేందుకు ఈ టెక్నాలజీ ఉపయోగపడే అవకాశం ఉంది.

Runway Gen-4.5 వీడియో మోడల్‌, గతంలో రూపొందించిన GWM-1 వరల్డ్‌ మోడల్‌ ఆధారంగా Solarisను అభివృద్ధి చేసింది. వినియోగదారుల ఆదేశాలను అర్థం చేసుకునేందుకు ప్రత్యేక లాంగ్వేజ్‌ మోడల్‌ పనిచేస్తుండగా.. ఆ తర్వాత విజువల్‌ రెండరింగ్‌ ద్వారా ఇంటర్‌ఫేస్‌ను రూపొందిస్తుంది. అయితే Solaris ప్రస్తుతం ప్రయోగాత్మక దశలోనే ఉంది. స్పష్టమైన, స్థిరమైన టెక్స్ట్‌ను రూపొందించడం, సుదీర్ఘ ఇంటరాక్షన్లలో కచ్చితత్వం, స్థిరత్వాన్ని కొనసాగించడం, స్క్రీన్‌ రీడర్ల వంటి యాక్సెసిబిలిటీ టెక్నాలజీలకు మద్దతు ఇవ్వడం వంటి సవాళ్లు ఉన్నాయి. పబ్లిక్‌ లాంచ్‌ కోసం భాగస్వాములతో కలిసి Runway పనిచేస్తోంది.