Google, OpenAI, xAI పై కాపీరైట్ ఉల్లాంఘన కేసు

Google, OpenAI, Meta, Anthropic, Perplexity అలాగే ఎలాన్ మస్క్‌కు చెందిన xAI వంటి ప్రముఖ కృత్రిమ మేధస్సు కంపెనీలపై రచయితలబృందం తాజాగా కాపీరైట్ ఉల్లంఘన కేసును దాఖలు చేసింది. ఈ కేసును న్యూయార్క్ టైమ్స్ దర్యాప్తు జర్నలిస్టు జాన్ క్యారీరో సహా ఆరు మంది రచయితలు ఉత్తర కాలిఫోర్నియాలోని అమెరికా జిల్లా కోర్టులో దాఖలు చేశారు.

గతంలో పెద్ద మొత్తంలో సెటిల్‌మెంట్ వచ్చినప్పటికీ ఒక్కో రచయితకు చాలా తక్కువ పరిహారం మాత్రమే లభించిందని పేర్కొంటూ, ఈసారి క్లాస్ యాక్షన్ కేసుగా కాకుండా వ్యక్తిగతంగా వారు కేసులు వేశారు. తమ అనుమతి లేకుండానే తమ కాపీరైట్ కలిగిన పుస్తకాలను ఉపయోగించి లార్జ్ లాంగ్వేజ్ మోడల్స్‌ను ట్రెయిన్ చేశారని వారు ఆరోపిస్తున్నారు.

ముఖ్యంగా, xAI సంస్థపై కాపీరైట్ ఉల్లంఘన ఆరోపణలు నమోదైన ఇది మొదటి కేసు కావడం గమనార్హం. Perplexity ఆరోపణలను ఖండించినప్పటికీ, లిబ్‌జెన్, జెడ్-లైబ్రరీ, ఓషన్ ఆఫ్ పీడీఎఫ్ వంటి షాడో-లైబ్రరీ వెబ్‌సైట్ల నుంచి పైరేటెడ్ పుస్తకాలను డౌన్‌లోడ్ చేసి తమ AI మోడళ్లను ట్రెయిన్ చేయడానికి, ఆప్టిమైజ్ చేయడానికి ఉపయోగించారని ఈ కేసులో ఆరోపించారు. ఈ రచయితలు జ్యూరీ ట్రయల్‌ను కోరుతూ, చట్టబద్ధమైన పరిహారం (స్టాట్యూటరీ డ్యామేజెస్)తో పాటు, తమ రచనలను ఏఏ విధంగా ఉపయోగించారన్న పూర్తి వివరాలను వెల్లడించాలని కోర్టును అభ్యర్థించారు.