న్యూస్
గూగుల్ తన జెమినీ 3 డీప్ థింక్ అనే కొత్త ఆర్టిఫిషియల్ ఇంటెలిజెన్స్ మోడల్ని ఇప్పుడు అర్హులైన యూజర్లకు విడుదల చేసింది. గత నెల జెమినీ 3 ప్రో విడుదలప్పుడు దీనిని మొదటగా ప్రస్తావించారు. ఈ కొత్త మోడల్ ముఖ్యంగా లాజిక్, రీజనింగ్, మ్యాథ్స్, సైన్స్ వంటి క్లిష్టమైన సమస్యలను ఇంకా బాగా పరిష్కరించడానికి రూపొందించబడింది. అయితే, దీనికి యాక్సెస్ మాత్రం గూగుల్ ఏఐ అల్ట్రా అనే అత్యంత ఖరీదైన సబ్స్క్రిప్షన్ ప్లాన్లో ఉన్న వాళ్లకే ఉంటుంది.
ఈ మోడల్పై ఆసక్తి పెరగడానికి ప్రధాన కారణం దీని బెంచ్మార్క్ స్కోర్లు. హ్యూమానిటీస్ లాస్ట్ ఎగ్జామ్ అనే అత్యంత కఠినమైన పరీక్షలో డీప్ థింక్ టూల్స్ ఉపయోగించకుండా 41% స్కోర్ చేసింది ఇది ఇప్పటి వరకు వచ్చిన మోడళ్లలో అత్యధికం. ARC-AGI-2 అనే మరో క్లిష్టమైన రీజనింగ్ టెస్ట్లో కూడా ఇది 45.1% స్కోర్ చేసి “అన్ప్రెసిడెంటెడ్” అని గూగుల్ చెప్పింది. ఈ టెస్టులు ఒక ఏఐ మోడల్ AGI (Artificial General Intelligence)కి ఎంత దగ్గరగా ఉందో అంచనా వేయడానికి ఉపయోగిస్తారు.
గూగుల్ ప్రకారం, ఈ స్థాయి పనితీరుకు కారణం ‘ప్యారలెల్ రీజనింగ్’ అనే కొత్త పద్ధతి. అంటే ఒకే ఆలోచనా శ్రేణి కాదు, ఒకేసారి అనేక దిశల్లో పరిష్కారాలు వెతికి, వాటిలో ఉత్తమమైనదాన్ని ఎన్నుకునే విధంగా మోడల్ పనిచేస్తుంది. ప్రస్తుతం, నెలకు ₹24,500 చెల్లించే అల్ట్రా ప్లాన్ యూజర్లకే ఇది అందుబాటులో ఉంది. వారు జెమినీ వెబ్సైట్ లేదా యాప్లో “డీప్ థింక్” ఎంపిక చేసి, జెమినీ 3 ప్రో మోడల్ని ఎంచుకుని ఉపయోగించవచ్చు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!