టెక్స్ట్‌తోనే యాప్ తయారు చేయండి – గూగుల్ AI స్టూడియోలో వైబ్ కోడింగ్ ఫీచర్ లాంచ్

గూగుల్ తన AI స్టూడియో ప్లాట్‌ఫారంలో కొత్త ఫీచర్‌గా “వైబ్ కోడింగ్” ను పరిచయం చేసింది. దీని ద్వారా డెవలపర్లు కేవలం టెక్స్ట్‌లో తమ యాప్ ఐడియాను రాస్తే చాలు — AI స్వయంగా కోడ్ రాసి, యాప్ ప్రీవ్యూ చూపిస్తుంది.అదే సమయంలో, గూగుల్ తన Veo 3 వీడియో జనరేషన్ మోడల్ మరియు Nano Banana ఇమేజ్ ఎడిటింగ్ మోడల్ ను కూడా డెవలపర్లకు అందుబాటులోకి తెచ్చింది. యూజర్లు ఈ ప్లాట్‌ఫారమ్ నుంచే తమ యాప్‌లను డైరెక్ట్‌గా డెప్లాయ్ చేయగలరు.

వైబ్ కోడింగ్ అనేది కొత్త పద్ధతి — ఇక్కడ డెవలపర్ ఐడియా చెబుతాడు, కానీ కోడ్ రాసేది AI. అంటే, మనుషులు ఆలోచనలను వివరించడంలో, మార్పులను సూచించడంలో మాత్రమే పాల్గొంటారు.ఈ పద్ధతి వేగవంతంగా యాప్ డెవలప్‌మెంట్ చేయడంలో, కొత్తవారికి అడ్డంకులను తగ్గించడంలో పెద్ద సహాయం చేస్తోంది. గూగుల్‌తో పాటు పలు పెద్ద సంస్థలు ఇప్పటికే వైబ్ కోడింగ్‌ను వర్క్‌ప్లేస్‌లలో ఉపయోగిస్తున్నాయి.AI స్టూడియోలోని శక్తివంతమైన ఆల్గోరిథమ్ యూజర్ ఉద్దేశాన్ని అర్థం చేసుకొని సరైన AI మోడల్స్ మరియు APIs ను కలిపి యాప్ తయారుచేస్తుంది. అలాగే, “I’m Feeling Lucky” అనే బటన్‌ను నొక్కితే ఒక రాండమ్ యాప్ ఐడియా కూడా జెనరేట్ అవుతుంది.