ఎయిర్‌పోర్ట్ వేళల్లో సమయం ఆదా చేయనున్న Apple డిజిటల్ ID... TSA వద్ద ఎలా ఉపయోగించాలి?

అమెరికాలో థ్యాంక్స్‌గివింగ్ మరియు సెలవుల సీజన్ ప్రయాణాలకు వెళ్లే వారికి మంచి వార్త. Apple డిజిటల్ ID ఇప్పుడు దేశవ్యాప్తంగా 250కు పైగా TSA చెక్‌పాయింట్లలో అందుబాటులోకి వచ్చింది. దీని ద్వారా ప్రయాణికులు తమ ఫోన్‌ ద్వారానే గుర్తింపును చూపించి భద్రతా తనిఖీలను వేగంగా పూర్తిచేసుకోవచ్చు.

Android యూజర్లకు కూడా Google Wallet ID Pass ద్వారా ఇదే సదుపాయం లభిస్తుంది.

Apple డిజిటల్ ID ఎలా పని చేస్తుంది?

సెట్టప్ కోసం:

• పాస్‌పోర్ట్ వివరాలను Apple Wallet‌లో జోడించాలి

• అవసరమైన ధృవీకరణ పూర్తి చేయాలి

• TSA చెక్‌పాయింట్ వద్ద ఫోన్‌ను డబుల్ ట్యాప్ చేసి స్కానర్ దగ్గర ఉంచాలి

ఈ ప్రక్రియలో సమాచారం పూర్తిగా ఎన్క్రిప్ట్ చేయబడుతుంది. Apple లేదా ఇతర సంస్థలు ప్రయాణికుల వ్యక్తిగత డేటాను చూడలేవు.
ఈ ఫీచర్ ఉపయోగించాలి అంటే iPhone‌ లో iOS 26 ఉండాలి.
అదనంగా, ఈ డిజిటల్ ID ని Apple Watch లో కూడా ఉపయోగించవచ్చు.

Google Wallet ID Pass ఉపయోగం

• ఫోన్‌ను అన్‌లాక్ చేయాలి

• స్కానర్ వద్ద ఫోన్‌ను ఉంచాలి

• “Continue” నొక్కాలి

• బ్లూ చెక్ మార్క్ కనిపిస్తే ధృవీకరణ పూర్తయినట్లే

లేదా QR కోడ్‌ను స్కాన్ చేసి అవసరమైన అనుమతులను ఇవ్వవచ్చు.

ముఖ్యమైన పరిమితులు

• అంతర్జాతీయ ప్రయాణం కోసం డిజిటల్ ID ఉపయోగించరాదు

• TSA సూచన ప్రకారం ప్రయాణికులు ఫిజికల్ ID తప్పనిసరిగా వెంట పెట్టుకోవాలి

• అమెరికాలోని 17 రాష్ట్రాలు మొబైల్‌లో డ్రైవింగ్ లైసెన్స్ నిల్వ చేసే సౌకర్యాన్ని అందిస్తున్నాయి, TSA వాటినీ అంగీకరిస్తోంది.

ఈ కొత్త సదుపాయం వల్ల రద్దీ సీజన్‌లో ప్రయాణికులు TSA వద్ద సమయం గణనీయంగా ఆదా చేసుకునే అవకాశముంది.