WPL 2026: ఢిల్లీ క్యాపిటల్స్‌పై 4 రన్స్ తో గుజరాత్ జైంట్స్ విన్

ఈరోజు (జనవరి 11, 2026) జరిగిన WPL 2026 నాలుగో మ్యాచ్‌లో గుజరాత్ జెయింట్స్ ఢిల్లీ క్యాపిటల్స్‌పై 4 పరుగుల తేడాతో ఉత్కంఠభరిత విజయాన్ని సాధించింది. తొలుత బ్యాటింగ్ చేసిన గుజరాత్ 20 ఓవర్లలో 209 పరుగులకు ఆలౌట్ కాగా, సోఫీ డివైన్ కేవలం 42 బంతుల్లో 95 పరుగులు (7 ఫోర్లు, 8 సిక్సర్లు) చేసి జట్టుకు భారీ స్కోర్ అందించింది. కెప్టెన్ ఆష్లే గార్డనర్ 26 బంతుల్లో 49 పరుగులతో కీలక ఇన్నింగ్స్ ఆడారు. ఢిల్లీ బౌలర్లలో నందిని శర్మ హ్యాట్రిక్‌తో పాటు మొత్తం 5 వికెట్లు పడగొట్టి అద్భుత ప్రదర్శన చేసింది.

లక్ష్య ఛేదనలో ఢిల్లీ క్యాపిటల్స్ 20 ఓవర్లలో 5 వికెట్లకు 205 పరుగులు మాత్రమే చేయగలిగింది. లిజెల్ లీ 54 బంతుల్లో 86 పరుగులతో పోరాడగా, లారా వోల్వార్డ్ 50 పరుగులతో ఇన్నింగ్స్‌ను ముందుకు నడిపించింది. చివరి ఓవర్లో ఢిల్లీకి 6 పరుగులు అవసరమైన వేళ, సోఫీ డివైన్ అద్భుతంగా బౌలింగ్ చేసి జెమీమా రోడ్రిగ్స్, లారా వోల్వార్డ్ వికెట్లు తీసి గుజరాత్‌కు విజయాన్ని అందించింది. ఈ విజయంతో గుజరాత్ జెయింట్స్ వరుసగా రెండో గెలుపును నమోదు చేయగా, ఢిల్లీ క్యాపిటల్స్ ఈ సీజన్‌లో రెండో ఓటమిని చవిచూసింది.