37వ ఏట అడుగుపెట్టిన విరాట్ కోహ్లీ – కలల బాలుడి నుంచి క్రికెట్ రాజుగా ఎదిగిన ప్రస్థానం

భారత క్రికెట్ చరిత్రలో నూతన యుగానికి ప్రతీకగా నిలిచిన విరాట్ కోహ్లీ బుధవారం (నవంబర్ 5) తన 37వ జన్మదినం జరుపుకున్నారు. ప్రపంచవ్యాప్తంగా ఉన్న అభిమానులు తమ ప్రియతమ “కింగ్ కోహ్లీ”కి శుభాకాంక్షల వర్షం కురిపిస్తూ సోషల్ మీడియాను నింపేశారు. వెస్ట్ ఢిల్లీ వీధుల నుంచి బయల్దేరిన ఒక ఉత్సాహవంతుడైన బాలుడు 2008లో భారత జట్టులో అడుగు పెట్టాడు. ఆ చిన్నారి విరాట్ ఇప్పుడు క్రికెట్ ప్రపంచానికి ప్రేరణగా మారిన ఒక దిగ్గజం. 2024లో టెస్టులకు వీడ్కోలు పలికిన ఆయన కెరీర్ విజయాలతో పాటు, క్రమశిక్షణ, ఫిట్‌నెస్, ఆత్మవిశ్వాసానికి ఒక కొత్త ప్రమాణం సృష్టించారు. ఐపీఎల్ ప్రారంభం నుండి 18 ఏళ్లపాటు రాయల్ ఛాలెంజర్స్ బెంగళూరు (RCB) జట్టుకు నిబద్ధతతో ఆడిన కోహ్లీ ఈ సంవత్సరం తన కలల ఐపీఎల్ ట్రోఫీని ఎత్తి పట్టాడు.

ప్రపంచవ్యాప్తంగా అభిమానులు పంపిస్తున్న ప్రేమా శుభాకాంక్షలు విరాట్ కోహ్లీ క్రికెటర్ మాత్రమే కాదు - ఆయన ఒక భావోద్వేగం, ఒక ప్రేరణ, ఒక ఆత్మవిశ్వాసం అని మరోసారి నిరూపిస్తున్నాయి.