వర్షంలోనూ మెస్సి సాధన.. వరుసగా రెండో వరల్డ్ కప్ లక్ష్యంగా అర్జెంటీనా

ఫిఫా వరల్డ్ కప్ 2026 ఫైనల్‌కు ముందు అర్జెంటీనా కెప్టెన్ లియోనెల్ మెస్సి తన నిబద్ధతను మరోసారి చాటుకున్నాడు. న్యూజెర్సీలోని మెట్‌లైఫ్ స్టేడియంలో స్పెయిన్‌తో జరిగే తుది పోరుకు ముందు సాధన సమయంలో భారీ వర్షం కురిసినా, మెస్సి సహచర ఆటగాళ్లతో కలిసి ఎలాంటి విరామం లేకుండా ప్రాక్టీస్ కొనసాగించాడు. ఈ వీడియోను అర్జెంటీనా ఫుట్‌బాల్ అసోసియేషన్ సోషల్ మీడియాలో పంచుకోగా, అభిమానులను ఆకట్టుకుంది. వరుసగా రెండో ప్రపంచకప్ టైటిల్‌ను సొంతం చేసుకోవాలనే లక్ష్యంతో అర్జెంటీనా బరిలోకి దిగుతోంది.

మెస్సి కెరీర్‌లో ఇదే చివరి ప్రపంచకప్ అయ్యే అవకాశం ఉందన్న ప్రచారం నేపథ్యంలో ఈ ఫైనల్‌కు మరింత ప్రాధాన్యం ఏర్పడింది. జట్టుకు మరోసారి వరల్డ్ కప్ అందించడమే కాకుండా, గోల్డెన్ బూట్ రేసులో కూడా మెస్సి పోటీలో ఉన్నాడు. ప్రస్తుతం అతని ఖాతాలో ఎనిమిది గోల్స్, నాలుగు అసిస్టులు ఉండగా, టోర్నమెంట్ టాప్ స్కోరర్ కంటే రెండు గోల్స్ వెనుక ఉన్నాడు. ఫైనల్‌లో మెస్సి ప్రదర్శనపై ప్రపంచవ్యాప్తంగా అభిమానుల్లో భారీ ఆసక్తి నెలకొంది.