టీ20 వరల్డ్ కప్: పాక్‌పై ఇషాన్ కిషన్ దూకుడు.. గాయాన్ని తట్టుకుని అదరగొట్టిన టీమిండియా ఓపెనర్!

పాకిస్తాన్‌తో జరిగిన మ్యాచ్‌లో టీమిండియా ఓపెనర్ ఇషాన్ కిషన్ దూకుడైన బ్యాటింగ్‌తో మ్యాచ్‌కు ఊపిరి పోశాడు. అభిషేక్ శర్మ డకౌట్‌గా వెనుదిరిగినా, ఇషాన్ ఆగ్రెసివ్ ఆటతో పాక్ బౌలర్లపై ఆధిపత్యం చెలాయించాడు. కేవలం 27 బంతుల్లో హాఫ్ సెంచరీ పూర్తి చేసిన అతడు, ఎనిమిది ఓవర్లు ముగిసే సమయానికి టీమిండియా స్కోర్‌ను 82/1కు చేర్చి అభిమానుల్లో జోష్ నింపాడు.

బౌండరీల వర్షం కురిపించిన ఇషాన్ కిషన్ 40 బంతుల్లో 10 ఫోర్లు, 3 సిక్సులతో 77 పరుగులు చేసి ఆకట్టుకున్నాడు. అయితే బ్యాటింగ్ మధ్యలో కుడి కాలి గాయంతో గ్రౌండ్‌లో కూలిపోవడంతో ఫిజియో వెంటనే చికిత్స అందించారు. చికిత్స అనంతరం మళ్లీ బ్యాటింగ్ కొనసాగించిన ఇషాన్, అనంతరం సయీం అయూబ్ బౌలింగ్‌లో బౌల్డ్ అయ్యాడు. అతని వికెట్‌తో టీమిండియా రెండో వికెట్ కోల్పోగా, సూర్యకుమార్ యాదవ్ క్రీజ్‌లోకి వచ్చాడు.