ఐపీఎల్ మినీ వేలంలో సంచలనం: కామెరూన్ గ్రీన్‌ పై KKR భారీ బిడ్

ఐపీఎల్ మినీ వేలంలో ఆస్ట్రేలియా ఆల్‌రౌండర్ కామెరూన్ గ్రీన్‌కు భారీ డిమాండ్ కనిపించింది. కోల్‌కతా నైట్ రైడర్స్ (KKR) అతడిని ₹25.20 కోట్ల భారీ బిడ్‌తో సొంతం చేసుకుంది. గ్రీన్ బేస్ ప్రైస్ కేవలం ₹2 కోట్లు మాత్రమే అయినప్పటికీ, వేలంలో జట్ల మధ్య తీవ్ర పోటీ కారణంగా ధర ఒక్కసారిగా ఆకాశాన్ని తాకింది. ఈ డీల్ ఐపీఎల్ వేలం చరిత్రలో మరో హైలైట్‌గా నిలిచింది.

అయితే, బీసీసీఐ ప్రవేశపెట్టిన కొత్త ఓవర్సీస్ ప్లేయర్ల గరిష్ట వేతన నియమం ప్రకారం, కామెరాన్ గ్రీన్ వ్యక్తిగతంగా పొందే మొత్తం ₹18 కోట్లకే పరిమితం అవుతుంది. మిగిలిన ₹7.20 కోట్లు ప్లేయర్ వెల్ఫేర్ ఫండ్‌కు వెళ్తాయి. ఈ నియమం ద్వారా ఆటగాళ్ల సంక్షేమాన్ని బలోపేతం చేయడమే లక్ష్యంగా బీసీసీఐ ముందడుగు వేసింది.