ఆసియా టేబుల్ టెన్నిస్‌లో భారత్‌కు చారిత్రక పతకం

ఆసియా టేబుల్ టెన్నిస్ ఛాంపియన్‌షిప్స్‌లో భారత జంట హర్మీత్ దేశాయ్, యశస్విని గోర్పాడే అద్భుత ప్రదర్శనతో పతకాన్ని ఖాయం చేసుకుంది. మిక్స్‌డ్ డబుల్స్ క్వార్టర్ ఫైనల్లో దక్షిణ కొరియాకు చెందిన పార్క్ గాంగ్‌యాన్, లీ డేయున్ జోడీపై 3-2తో విజయం సాధించింది. శుక్రవారం ఉత్కంఠభరితంగా సాగిన ఈ పోరులో భారత జంట 11-6, 8-11, 8-11, 11-9, 11-9తో గెలిచి సెమీఫైనల్‌కు చేరుకుంది. కీలకమైన చివరి రెండు గేముల్లో రాణించి విజయాన్ని సొంతం చేసుకుంది.

ఈ విజయంతో ఆసియా టేబుల్ టెన్నిస్ ఛాంపియన్‌షిప్స్ మిక్స్‌డ్ డబుల్స్ విభాగంలో భారత్‌కు 72 ఏళ్ల తర్వాత పతకం ఖాయమైంది. 1954లో యతిన్ వ్యాస్, మీనా పరాడే జంట భారత్‌కు చివరిసారిగా ఈ విభాగంలో స్వర్ణ పతకాన్ని అందించింది. ఇన్నేళ్ల తర్వాత హర్మీత్ దేశాయ్, యశస్విని గోర్పాడే జోడీ భారత టేబుల్ టెన్నిస్ చరిత్రలో ప్రత్యేక గుర్తింపు సాధించింది. తదుపరి సెమీఫైనల్లో ఈ భారత జంట జపాన్‌కు చెందిన మివా హారిమోటో, సోరా మాత్సుషిమాతో తలపడనుంది.