17 ఏళ్ల తర్వాత పంజాబ్‌లో అంతర్జాతీయ హాకీ..

ఈ నెలాఖరులో ప్రారంభం కానున్న హాకీ ఆసియా ఛాంపియన్స్ ట్రోఫీ భారత జట్టు కెప్టెన్ హర్మన్‌ప్రీత్ సింగ్‌కు ఎంతో ప్రత్యేకంగా నిలవనుంది. అతడి సొంత రాష్ట్రం పంజాబ్‌లో 17 ఏళ్ల విరామం తర్వాత అంతర్జాతీయ హాకీ మ్యాచ్‌లు జరగనున్నాయి. అక్టోబర్ 27న ప్రారంభమయ్యే ఈ టోర్నీ నవంబర్ 5 వరకు కొనసాగనుంది. జలంధర్, మొహాలి నగరాలు ఈ పోటీలకు ఆతిథ్యమివ్వనున్నాయి. చివరిసారిగా 2009లో పంజాబ్‌లో గోల్డ్ కప్ టోర్నీ నిర్వహించారు. ఇంత సుదీర్ఘ విరామం తర్వాత అంతర్జాతీయ హాకీ తిరిగి రావడంతో రాష్ట్రంలోని హాకీ అభిమానుల్లో ఉత్సాహం నెలకొంది.

పంజాబ్ గడ్డపై తొలిసారి భారత జెర్సీ ధరించి ఆడబోతుండటం తనకు, జట్టులోని ఆటగాళ్లందరికీ ప్రత్యేకమైన అనుభూతి అని హర్మన్‌ప్రీత్ సింగ్ పేర్కొన్నాడు. ఈ మ్యాచ్‌ను చూసేందుకు తన కుటుంబ సభ్యులు కూడా రానున్నారని తెలిపాడు. ఇప్పటివరకు భారత జట్టు తరఫున తాను ఆడిన మ్యాచ్‌లను కుటుంబ సభ్యులు ప్రత్యక్షంగా వీక్షించే అవకాశం రాలేదని, ఈసారి ఆ లోటు తీరనుందని ఆనందం వ్యక్తం చేశాడు. సొంత రాష్ట్రంలో జరిగే ఈ టోర్నీ భారత జట్టుకు అభిమానుల మద్దతును అందించడంతో పాటు పంజాబ్‌లో హాకీకి మరింత ప్రాచుర్యం తీసుకురానుందని భావిస్తున్నారు.