ఫ్రెంచ్ ఓపెన్‌లో సంచలనం.. టేలర్ ఫ్రిట్జ్‌ను ఓడించిన నిషేష్ బసవరెడ్డి

ఫ్రెంచ్ ఓపెన్‌లో ప్రవాసాంధ్రుడు నిషేష్ బసవరెడ్డి సంచలనం సృష్టించాడు. అమెరికా తరఫున వైల్డ్ కార్డ్ ఎంట్రీతో బరిలోకి దిగిన 21 ఏళ్ల నిషేష్, ఏడో సీడ్ ఆటగాడు టేలర్ ఫ్రిట్జ్‌ను ఓడించి రెండో రౌండ్‌కు దూసుకెళ్లాడు. అతని అద్భుత ప్రదర్శన టోర్నమెంట్‌లో పెద్ద అప్‌సెట్‌గా నిలిచింది.

నిషేష్ 7-6 (5), 7-6 (5), 6-7 (9), 6-1 తేడాతో విజయం సాధించాడు. కీలక సమయంలో అద్భుతమైన నియంత్రణ చూపిస్తూ మ్యాచ్‌ను తనవైపు తిప్పుకున్నాడు. ఆంధ్రప్రదేశ్‌లోని నెల్లూరుకు చెందిన అతని కుటుంబం 1999లో అమెరికాకు వెళ్లింది. 2005లో అమెరికాలో జన్మించిన నిషేష్, ప్రస్తుతం అమెరికా తరఫున అంతర్జాతీయ టెన్నిస్‌లో రాణిస్తున్నాడు.