బిగ్ బాస్ 10లోకి ఎవరెవరు?.. ఆది రెడ్డి లిస్ట్ వైరల్

బిగ్ బాస్ తెలుగు సీజన్ 10 ప్రారంభానికి సమయం దగ్గరపడుతున్న కొద్దీ కంటెస్టెంట్లపై ఆసక్తి పెరుగుతోంది. ఈ నేపథ్యంలో బిగ్ బాస్ ఫేమ్ ఆది రెడ్డి వెల్లడించిన తాజా వీడియోలో ఈసారి హౌస్‌లోకి ప్రవేశించే అవకాశం ఉన్న కంటెస్టెంట్ల జాబితాను వివరించారు. ఆయన తెలిపిన వివరాల ప్రకారం.. ఈ సీజన్‌లో కామనర్లతో పాటు సీరియల్ నటీనటులు, యాంకర్లు, జబర్దస్త్ కమెడియన్లు, యంగ్ నటులు, మోడల్స్, ఇన్‌ఫ్లుయెన్సర్లు వంటి విభిన్న రంగాలకు చెందిన వారు కనిపించే అవకాశం ఉంది.

ఆది రెడ్డి లిస్ట్‌లో అదిత్ ఈశ్వరన్, అగ్నిపరీక్ష ఫేమ్ రోహిత్, నటుడు కృష్ణుడు, శాలిని, ముఖేష్ గౌడ, ఆటో రాంప్రసాద్, టెంపర్ వంశీ, సృష్టి వ్యాకరణం, ఆర్జే చరణ్, వర్షిణి సౌందరరాజన్, జాన్సీ, జబర్దస్త్ నరేష్, దేబ్జానీ మోదక్, చైత్ర రాయ్, నవరసాలు ఆర్కే, సుధీర్ రెడ్డి తదితరుల పేర్లు ఉన్నాయి. వీరిలో కొందరు బిగ్ బాస్‌కు వస్తున్నట్లు ప్రచారం జరుగుతుండగా, మరికొందరి విషయంలో ఇంకా స్పష్టత రావాల్సి ఉంది. ఈ కంటెస్టెంట్లు హౌస్‌లోకి వస్తే వారి ఆటతీరు, వ్యక్తిత్వాలు సీజన్‌ను ఎంతవరకు ఆసక్తికరంగా మారుస్తాయో చూడాలి.