బిగ్‌బాస్ చివరి వారంలో స్పెషల్ ప్రోమో..ఇమ్మాన్యుయేల్ ఏవీ

బిగ్​బాస్​ చివరి వారంలో అందరూ ఎదురు చూసేది స్పెషల్ ఏవీల కోసమే. అయితే ఈ సారి దానిని భిన్నంగా ప్లాన్ చేశాడు బిగ్​బాస్. సోమవారం, మంగళవారం కేవలం టాస్క్​లతో కానిచ్చేశాడు. కానీ ఈరోజు నుంచి స్పెషల్ ప్రోమోల హంగామా ఉండబోతుంది. ఎందుకంటే దానికి సంబంధించిన మొదటి ప్రోమో వచ్చేసింది. అందరికంటే ముందుగా ఇమ్మాన్యుయేల్ ప్రోమో విడుదల చేశాడు బిగ్​బాస్. ప్రోమోలో పొగడ్తలతో ముంచేశాడు.

బిగ్​బాస్​లో టాప్​ 5 కంటెస్టెంట్లలో ఒకరైనా ఇమ్మాన్యుయేల్ ఏవీ వచ్చేస్తుంది. దానికి సంబంధించిన ప్రోమోను స్టార్​ మా విడుదల చేసింది. అందంగా రెడీ అయినా ఇమ్మాన్యుయేల్.. తనకోసం సిద్ధమైన సెట్​లోకి వచ్చాడు. అక్కడున్న ఫోటోలు, మెమోరీలు చూసుకుంటూ మురిసిపోయాడు. ఇది పొడిచింది డిమోన్​గాడే అంటూ వెళ్లి.. ఇమ్మూ మదర్ ఇంట్లోకి వచ్చినప్పటి ఫోటో చూసి ఎమోషనల్ అయ్యాడు. నవ్వుతూ, ఎమోషనల్ అవుతూ ముద్దు పెట్టుకున్నాడు. ఇమ్మాన్యుయేల్ ప్రతి ఒక్క ఎమోషన్.. అనుభవంలోకి వస్తేనే.. జీవితం మరింత నిండుగా, ఆసక్తిగా మారుతుంది. చిన్నప్పటి నుంచి కష్టాలను స్వయంగా అనుభవించిన వారికే.. ఒక చిన్న చిరునవ్వు బలమెంతో బాగా తెలుస్తుంది. ఈ ఇంట్లో అదే మీ బలంగా ముందుకు సాగారు అంటూ బిగ్​బాస్ చెప్తుండగానే ఇమ్మాన్యుయేల్ ఏడ్చేశాడు. అదే నవ్వును పంచుతూ అందరితో కలిసిపోయారు. నవ్వులు అయినా.. నామినేషన్స్​ అయినా మాటలే మీ ఆయుధాలు. తెలివి తేటలే మీ గేమ్ ప్లాన్. ప్రేక్షకులను ఎలా ఎంటర్​టైన్ చేయాలనే విషయం.. ఈ ఇంట్లో మీకన్నా ఎవ్వరికీ తెలియదు అంటూ ఎలివేషన్ ఇచ్చాడు.

కమెడీయన్​గా అడుగు పెట్టిన మీరు.. హీరోగా రావాలని.. మీ అమ్మ కల నిజం కావాలని బిగ్​బాస్ అంటుండగానే.. ఇమ్మాన్యుయేల్ ఏడ్చేశాడు. బాగా ఎమోషనల్ అయ్యాడు. ఈ కట్టె కాలే వరకు మిమ్మల్ని ఎంటర్​టైన్ చేస్తూనే ఉంటాను అంటూ అని చెప్పడంతో ప్రోమో ముగిసింది. ప్రోమోనే ఇంత హైప్ ఇస్తుంటే.. ఇంక ఏవీ ఏ రేంజ్​లో ఉంటుందో ప్రత్యేకంగా చెప్పనవసరం లేదు. ఇంక డిమోన్ పవన్, సంజన, తనూజ, కళ్యాణ్​ ఏవీలు, వాటి ప్రోమోలు రావాల్సి ఉంది.