కొత్త జర్నీకి రెడీ అవుతున్న జబర్దస్త్ రామ్ ప్రసాద్

జబర్దస్త్ కమెడియన్ రామ్ ప్రసాద్ తన జీవితంలో కొత్త అధ్యాయాన్ని ప్రారంభించబోతున్నట్లు ప్రకటించారు. ఇప్పటివరకు తన కామెడీని ఆస్వాదిస్తూ, తనను ఆదరించిన ప్రతి ఒక్కరికీ సోషల్ మీడియా వేదికగా హృదయపూర్వక ధన్యవాదాలు తెలిపారు. జబర్దస్త్‌లో తన ప్రయాణం ఎంతో ప్రత్యేకమైనదని, అభిమానుల ప్రేమ, మద్దతు వల్లే తాను ఈ స్థాయికి చేరుకున్నానని పేర్కొన్నారు.

ఇక జీవితంలో కొత్త జర్నీ ప్రారంభం కాబోతుందని రామ్ ప్రసాద్ తెలిపారు. ఈ ప్రయాణంలోనూ అభిమానుల మద్దతు తనకు ఇలాగే కొనసాగాలని కోరుకున్నారు. తన జీవితంలో మార్పు వచ్చినా ప్రేక్షకులకు వినోదాన్ని అందించడం మాత్రం కొనసాగుతుందని స్పష్టం చేశారు.