బిగ్‌బాస్ ఫన్నీ టాస్క్‌లో భర్తగా కళ్యాణ్, భార్యగా తనూజ..

బిగ్​బాస్​లో ప్రతి సీజన్​లో ఏదొక కపుల్ ఉంటారు. అయితే ఈ సీజన్​లో డిమోన్ పవన్, రీతూ బాగా హైలెట్​ అయ్యారు. కానీ కళ్యాణ్​, తనూజ జంట మాత్రం కాస్త డిఫరెంట్. వీళ్లు కపుల్​ అని చెప్పలేము. కాదు అని చెప్పలేము. ఎందుకంటే కళ్యాణ్ రీసెంట్​గానే బయట కూడా తనూజతో ఈ బాండ్ ఉండాలన్నాడు. ఇది ఫ్రెండ్​షిప్​ మాత్రమే కాదు అంతకుమించి అని చెప్పాడు. కానీ తనూజ మొదటి నుంచి కళ్యాణ్​ని దూరం పెడుతూనే ఉంది. కానీ రీసెంట్​ టైమ్​లో ఆమె కూడా కళ్యాణ్ ఒక్కడే జెన్యూన్​గా తనకు సపోర్ట్ చేశాడని చెప్పడం, అతనితోనే ఎక్కువ సమయం స్పెండ్ చేయడం చేస్తుంది.

కానీ బిగ్​బాస్ ప్రేక్షకులు మాత్రం కళ్యాణ్, తనూజ జంట సూపర్​గా ఉందని రీల్స్, ఎడిట్స్ కూడా చేస్తున్నారు. ఇంట్లోని వారంతా ఫన్నీ స్కిట్ వేయగా.. దానిలో కళ్యాణ్, తనూజ.. వైఫ్, హజ్బెండ్​గా చేశారు.

ఇమ్మాన్యుయేల్ తల్లి పాత్ర వేయగా.. డిమోన్ పవన్, కళ్యాణ్ కొడుకులుగా చేశారు. డిమోన్​ పవన్​కి సంజన భార్యగా, కళ్యాణ్​కి తనూజ భార్యగా చేశారు. తల్లి, భార్యల మధ్య కొడుకులు ఎలా సఫర్ అయ్యారు.. అత్తా కోడళ్ల గిల్లి కజ్జాలు ఏంటనేది ఫన్నీగా చేశారు. ఇమ్మూ తల్లిగా ఊడుస్తూ ఉండగా.. కళ్యాణ్, పవన్ వచ్చి అమ్మా అని పిలుస్తారు. ఆఫీస్​కి వెళ్లి వస్తాము అంటే.. ఉండండి దిష్టి తీస్తాను అంటూ చెప్తుంది. ఇరుగు దిష్టి, పొరుగు దిష్టి రీతూ దిష్టి థూ అంటూ డిమోన్ పవన్​పై ఊస్తాడు ఇమ్మూ.

బయటకు వెళ్లిన ఇద్దరూ తనూజ, సంజనను తీసుకుని ఇంటికి వచ్చి అమ్మా అంటే.. ఎవర్రా వీళ్లు సబ్బులు అమ్ముకునేవాళ్లా అని అడుగుతాడు. లేదు అమ్మ కోడళ్లు అని చెప్తారు. అత్తగారు ఆశీర్వదించండి అంటూ సంజన కాళ్లపై పడుతుంది. ఇదే నాకు అత్త లాగా ఉంది.. నేను దీనికి అత్త ఏంటిరా అంటూ ఫన్ చేశారు. తర్వాత సంజన, పవన్.. కళ్యాణ్, తనూజ మాట్లాడుకుంటారు. ఈలోపు ఏమే చిన్న కోడలా అంటూ తనూజని పిలిచి.. వచ్చినకాడి నుంచి వంట చేయలేదు కాసలి తుడవలేదు.. పో పోయి పెసరట్టు ఉప్మా చేసి తీసుకురా అంటూ అరిచేసరికి ఇద్దరూ నవ్వుకుంటారు. పవన్​ని నీకు రీతూ లాంటి భార్యని తెస్తానంటూ బాగా టీజ్ చేశాడు ఇమ్మూ.