బిగ్‌బాస్‌ తెలుగు 10లో జబర్దస్త్‌ నరేష్‌ యూనిక్‌ ఎంట్రీ..స్పెషల్‌ పవర్స్‌తో కొత్త ట్విస్టులు!

బిగ్‌బాస్‌ తెలుగు 10 గ్రాండ్‌ లాంచ్‌లో కంటెస్టెంట్ల ఎంట్రీలు మరింత ఆసక్తికరంగా మారాయి. జబర్దస్త్‌ కమెడియన్‌ నరేష్‌ 11వ కంటెస్టెంట్‌గా ప్రత్యేకంగా హౌస్‌లోకి అడుగుపెట్టారు. బిగ్‌బాస్‌ ఆయనను ఓ చిన్న బాక్స్‌లో పెట్టి హౌస్‌లోకి పంపించారు. అనంతరం ‘పంజా’ సినిమాలోని ‘భూమికి జానెడు’ పాటకు డ్యాన్స్‌ చేసి నరేష్‌ అలరించారు. నాగార్జున, నాగచైతన్య, అఖిల్‌ అక్కినేనిలకు తన తల్లి అభిమాని అని చెప్పిన నరేష్‌.. తనను తమ్ముడు అని పిలవాలని నాగార్జునను కోరారు. అంతకుముందు విలన్‌ పాత్రలతో గుర్తింపు తెచ్చుకున్న టెంపర్‌ వంశీ తొమ్మిదో కంటెస్టెంట్‌గా, ‘అగ్నిపరీక్ష’ నుంచి శ్రష్టి వ్యాకరణం 10వ కంటెస్టెంట్‌గా ఎంట్రీ ఇచ్చారు. షాలిని పటేల్‌, ఆటో రామ్‌ ప్రసాద్‌, నటి చైత్ర రాయ్‌ కూడా హౌస్‌లోకి అడుగుపెట్టారు.

ఇక గ్రాండ్‌ లాంచ్‌లో పలు ఆసక్తికరమైన టాస్క్‌లు, ట్విస్టులు చోటుచేసుకున్నాయి. ‘అగ్నిపరీక్ష 2’ నుంచి ఆడియన్స్‌ ఓటింగ్‌ ద్వారా ఎంపికైన అమన్‌ మసూద్‌ ఐదో కంటెస్టెంట్‌గా ఎంట్రీ ఇచ్చారు. నాగార్జున ఆయనకు రెడ్‌ డాట్‌ ఇచ్చి సీక్రెట్‌ టాస్క్‌ అప్పగించారు. మరోవైపు చైత్ర రాయ్‌ తన వ్యక్తిగత జీవితానికి సంబంధించిన పలు విషయాలను పంచుకున్నారు. ప్రత్యేక పవర్స్‌ కోసం నిర్వహించిన టాస్క్‌లో ఆటో రామ్‌ ప్రసాద్‌, షాలిని పటేల్‌ మ్యాజిక్‌ కీలు గెలుచుకున్నారు. ‘లవ్‌ ట్రయాంగిల్‌’ టాస్క్‌లో ఝాన్సీ, త్రిగుణ్‌ రెండు మ్యాజిక్‌ కీలు సొంతం చేసుకుని స్పెషల్‌ పవర్స్‌ దక్కించుకున్నారు. ‘సర్దార్‌ 2’ ప్రమోషన్స్‌లో భాగంగా హీరో కార్తీ, ఎస్‌.జే. సూర్య కూడా నాగార్జునతో కలిసి షోలో సందడి చేశారు.