బిగ్‌బాస్ 9 గ్రాండ్ ఫినాలే ప్రోమో రిలీజ్..కళ్యాణ్ ఎలిమినేషన్ డ్రామా..

బిగ్‌బాస్ తెలుగు సీజన్ 9 కథ క్లైమాక్స్‌కు చేరుకుంది. మరికొన్ని గంటల్లో విన్నర్ ప్రకటించనుండగా, గ్రాండ్ ఫినాలే ప్రోమో కోసం ప్రేక్షకులు ఆసక్తిగా ఎదురుచూశారు. తాజాగా విడుదలైన ప్రోమో ఫుల్ ఎంటర్‌టైనింగ్‌గా, ఎమోషనల్‌గా ఉండటంతో అంచనాలు మరింత పెరిగాయి. నాగార్జున కూలీ సినిమాలోని సైమన్ లుక్‌లో గ్రాండ్ ఎంట్రీ ఇవ్వగా, ఎలిమినేట్ అయిన కంటెస్టెంట్స్‌తో పాటు టాప్-5 సభ్యులు తమ స్పెషల్ పెర్ఫార్మెన్స్‌లతో ఫినాలేను గ్రాండ్‌గా మార్చారు. హీరోలు నవీన్ పోలిశెట్టి, మీనాక్షి చౌదరి తదితరులు సినిమా ప్రమోషన్స్‌తో స్టేజ్‌పై సందడి చేయగా, డింపుల్ హయాతీ, పాయల్ రాజ్‌పుత్, మంగ్లీ పెర్ఫార్మెన్స్‌లు ఆకట్టుకున్నాయి. చివరగా బటర్‌ఫ్లై ఆకారంలో ఉన్న బిగ్‌బాస్ 9 ట్రోఫీని నాగార్జున ప్రదర్శించారు.

విన్నింగ్ స్పీచ్ సెగ్మెంట్‌లో హౌజ్‌మేట్స్ తమ అభిప్రాయాలు చెప్పగా, డీమాన్, కళ్యాణ్, తనూజ మధ్య పోటీ హైలైట్‌గా నిలిచింది. “దేశంలోనే నెం.1 షో”గా సీజన్-9 ని నాగార్జున పేర్కొన్నారు. టాప్-5 కంటెస్టెంట్స్ థ్యాంక్స్, సారీ చెప్పే సందర్భం కూడా ఎమోషనల్‌గా సాగింది. అనంతరం హీరో శ్రీకాంత్ హౌజ్‌లోకి వెళ్లి టాప్-5ను బయటకు తీసుకొచ్చే సెగ్మెంట్‌లో ఉత్కంఠ నెలకొంది. ప్రోమోలో కళ్యాణ్ ఎలిమినేట్ అయినట్లు చూపించినా, చివరికి ఆయన సేవ్ అయినట్లు హింట్ ఇచ్చారు.

ప్రోమో చివర్లో నాగార్జున చేసిన “కొత్త చరిత్ర” వ్యాఖ్యలు సోషల్ మీడియాలో చర్చకు దారితీశాయి. ఇప్పటివరకు తెలుగు బిగ్‌బాస్ రెగ్యులర్ సీజన్లలో లేడీ విన్నర్ లేనందున, ఈసారి తనూజే విజేత అయ్యే అవకాశముందనే అభిప్రాయాలు వ్యక్తమవుతున్నాయి. దీంతో గ్రాండ్ ఫినాలేపై ఉత్కంఠ పీక్స్‌కు చేరింది.