గ్రీన్‌లాండ్‌ను స్వాధీనం చేసుకుంటాం - అమెరికా అధ్యక్షుడు డొనాల్డ్ ట్రంప్!

అమెరికా అధ్యక్షుడు డొనాల్డ్ ట్రంప్ గ్రీన్‌లాండ్‌ను ఎట్టి పరిస్థితుల్లోనైనా స్వాధీనం చేసుకుంటామని మరోసారి స్పష్టం చేశారు. అక్కడి ప్రజలకు నచ్చినా, నచ్చకపోయినా ఈ విషయంలో ముందడుగు వేస్తామని వైట్‌హౌస్‌లో మీడియాతో మాట్లాడుతూ తెలిపారు. అమెరికా ముందుకు రాకపోతే రష్యా లేదా చైనా గ్రీన్‌లాండ్‌పై ఆధిపత్యం సాధించే ప్రమాదం ఉందని ఆరోపించారు. ఆర్కిటిక్ ప్రాంతంలో ప్రత్యర్థులను ఎదుర్కోవాలంటే గ్రీన్‌లాండ్‌పై నియంత్రణ అవసరమని ట్రంప్‌ వ్యాఖ్యానించారు.

గ్రీన్‌లాండ్ చుట్టూ ఉన్న జలాల్లో ఇప్పటికే చైనా, రష్యా నౌకలు మోహరించి ఉన్నాయని, అందుకే కఠిన మార్గాలు ఎంచుకోవడానికి కూడా అమెరికా సిద్ధంగా ఉందని ట్రంప్‌ తెలిపారు. ఈ అంశంపై చర్చలు జరిపేందుకు వచ్చే వారం అమెరికా విదేశాంగ మంత్రి మార్కో రూబియో గ్రీన్‌లాండ్, డెన్మార్క్‌ నేతలతో భేటీ కానున్నారు. ఇదిలా ఉండగా, వెనెజువెలా చమురు నిల్వలను వినియోగించుకుంటే వెనెజువెలా ప్రజలతో పాటు అమెరికా ప్రజలకు కూడా లాభం చేకూరుతుందని ట్రంప్‌ పేర్కొన్నారు. ఇంధన ఉత్పత్తి పెరిగి చమురు ధరలు తగ్గుతాయని ఆయన ఆశాభావం వ్యక్తం చేశారు.