నెట్‌ఫ్లిక్స్‌ - వార్నర్‌ బ్రదర్స్‌ డీల్‌ పై ట్రంప్‌ కన్ను.. రంగంలోకి అల్లుడు..!

నెట్‌ఫ్లిక్స్‌–వార్నర్ బ్రదర్స్‌ డిస్కవరీ మధ్య జరుగుతున్న విలీన ఒప్పందం ఇప్పుడు కొత్త మలుపు తీసుకుంటోంది. ఈ ప్రక్రియలో అమెరికా అధ్యక్షుడు డోనాల్డ్ ట్రంప్ కుటుంబం జోక్యం చూపుతున్నట్టు సంకేతాలు కనిపిస్తున్నాయి. ట్రంప్ ప్రభుత్వంతో అనుబంధంగా ఉన్న పారామౌంట్ స్కైడాన్స్ సంస్థ, వార్నర్ బ్రదర్స్‌ను స్వాధీనం చేసుకోవడానికి సుమారు 108.4 బిలియన్ డాలర్ల భారీ హోస్టైల్ బిడ్‌ను ప్రకటించింది.
ఈ ప్రయత్నం వెనుక అధ్యక్షుడి అల్లుడు జేర్డ్ కుష్నర్ పాత్ర ఉందని వాషింగ్టన్ పోస్ట్ తమ కథనంలో వెల్లడించింది. ఈ పరిణామాలతో నెట్‌ఫ్లిక్స్–వార్నర్ విలీనం పై మరింత అనిశ్చితి నెలకొన్నట్లైంది.