ట్రంప్‌కు ఈ ఏడాది నోబెల్ రానట్టే… కారణమిదే!

అమెరికా మాజీ అధ్యక్షుడు డొనాల్డ్ ట్రంప్ ఈ ఏడాది నోబెల్ శాంతి బహుమతి (Nobel Peace Prize) కోసం తీవ్రంగా ప్రయత్నించారు. తాను ప్రపంచంలో అనేక యుద్ధాలను ఆపానని, అందుకే ఈ ప్రతిష్టాత్మక అవార్డు తనకే రావాలని బహిరంగంగా డిమాండ్ చేశారు.ట్రంప్‌కు మద్దతుగా పలు దేశాలు — పాకిస్థాన్, ఇజ్రాయెల్, కాంబోడియా — గతంలో ఆయనను నామినేట్ చేసినట్లు సమాచారం. అయితే ఈసారి పరిస్థితి భిన్నంగా ఉంది. నోబెల్ నామినేషన్‌లకు గడువు ఫిబ్రవరి 1 వరకు మాత్రమే ఉండగా, ఆలోపు ట్రంప్ పేరు ఏ నామినేషన్ జాబితాలోనూ చేరలేదని తెలుస్తోంది.

దీంతో, నోబెల్ కమిటీ ఈ ఏడాదికి ఆయనను పరిగణనలోకి తీసుకోలేదని సమాచారం. గతంలో అనేక సందర్భాల్లో తనకు నోబెల్ రావాలని ప్రయత్నించినా, ఈసారి మాత్రం ట్రంప్ ఆశలు నెరవేరే అవకాశం కనిపించడం లేదు.