“కాలమే సమాధానం చెబుతుంది”: రజనీకాంత్!

టీవీకే పార్టీ నేత ఆదవ్ అర్జున చేసిన ఆరోపణలపై సూపర్ స్టార్ రజనీకాంత్ స్పందించారు. కాలం వెంటనే మాట్లాడకపోయినా, సరైన సమయంలో సమాధానం ఇస్తుందని ఆయన వ్యాఖ్యానించారు. ఇటీవల ఆదవ్ చేసిన ఆరోపణల నేపథ్యంలో ఈ వ్యాఖ్యలు ప్రాధాన్యత సంతరించుకున్నాయి.

టీవీకే జనరల్ సెక్రటరీగా ఉన్న ఆదవ్, డీఎంకే పార్టీ రజనీకాంత్‌ను రాజకీయాల్లోకి రాకుండా బెదిరించిందని ఆరోపించారు. ఈ వ్యాఖ్యలు తీవ్ర చర్చకు దారి తీశాయి. అయితే రజనీకాంత్ ఈ ఆరోపణలను పరోక్షంగా ఖండిస్తూ, తనకు మద్దతుగా నిలిచిన వారందరికీ ధన్యవాదాలు తెలిపారు.