శివ చరణ్ రెడ్డికి షోకాజ్ నోటీసు

తెలంగాణ యూత్ కాంగ్రెస్ రాష్ట్ర అధ్యక్షుడు శివ చరణ్ రెడ్డికి అఖిల భారత యూత్ కాంగ్రెస్ అధ్యక్షుడు ఉదయ్ భాను చిబ్ షోకాజ్ నోటీసు జారీ చేశారు. సీనియర్ మహిళా కాంగ్రెస్ నాయకురాలిపై, అలాగే పలు కుల సంఘాలు మరియు నాయకులపై అనుచిత వ్యాఖ్యలు చేసినట్లు తమ దృష్టికి వచ్చిందని నోటీసులో పేర్కొన్నారు. ఈ ఆరోపణలపై రెండు రోజుల్లోగా లిఖితపూర్వక వివరణ సమర్పించాలని ఆదేశించారు.

నిర్దేశించిన గడువులోగా సమాధానం ఇవ్వడంలో విఫలమైతే పార్టీ క్రమశిక్షణా నిబంధనల ప్రకారం చర్యలు తీసుకుంటామని ఉదయ్ భాను చిబ్ స్పష్టం చేశారు. ఈ పరిణామం తెలంగాణ కాంగ్రెస్ వర్గాల్లో చర్చనీయాంశంగా మారింది. పార్టీ క్రమశిక్షణ విషయంలో అధిష్ఠానం కఠిన వైఖరి అవలంబిస్తున్నట్లు ఈ నోటీసు ద్వారా సంకేతాలు వెలువడుతున్నాయి.