ఆర్మూర్‌లో రాజకీయ ఉద్రిక్తత

నిజామాబాద్ జిల్లా ఆర్మూర్, అంకాపూర్ ప్రాంతాల్లో రాజకీయ ఉద్రిక్తత నెలకొంది. ఎన్నికల సమయంలో ఇచ్చిన హామీలను అమలు చేయాలని డిమాండ్ చేస్తూ బీజేపీ ఎమ్మెల్యే పైడి రాకేష్ రెడ్డి నివాసాన్ని ముట్టడించాలని కాంగ్రెస్ నేతలు పిలుపునిచ్చారు. దీనికి ప్రతిస్పందనగా బీజేపీ కార్యకర్తలు కూడా అంకాపూర్‌కు భారీగా చేరుకుంటామని ప్రకటించడంతో పరిస్థితి ఉద్రిక్తంగా మారింది.

బీజేపీ, కాంగ్రెస్ నాయకుల సవాళ్లు, ప్రతి సవాళ్ల నేపథ్యంలో పోలీసులు అప్రమత్తమయ్యారు. ఆర్మూర్ నియోజకవర్గ కాంగ్రెస్ ఇన్‌చార్జ్ వినయ్ రెడ్డిని పోలీసులు హౌస్ అరెస్ట్ చేశారు. అలాగే అంకాపూర్‌లో ఎమ్మెల్యే రాకేష్ రెడ్డి నివాసం వద్ద భారీ పోలీసు బందోబస్తు ఏర్పాటు చేసి శాంతిభద్రతలను కట్టుదిట్టం చేశారు.