అన్నామలైకి పవన్ కళ్యాణ్ మద్దతు

ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కళ్యాణ్ బీజేపీకి రాజీనామా చేసిన కే. అన్నామలైకి బలమైన మద్దతు తెలిపారు. అన్నామలైను ఆయన “తమిళనాడ్ భవిష్యత్తు నాయకుడు”గా అభివర్ణిస్తూ, ఆయన నాయకత్వ లక్షణాలు, సిద్ధాంతపరమైన నిబద్ధతను ప్రశంసించారు. అన్నామలై బీజేపీలో ఉన్నా లేక స్వతంత్ర మార్గాన్ని ఎంచుకున్నా ఆయనకు మంచి రాజకీయ భవిష్యత్తు ఉందని పవన్ కళ్యాణ్ పేర్కొన్నారు.

దక్షిణాది రాష్ట్రాల్లో బలమైన ప్రాంతీయ నాయకులను కాపాడుకోవడం పార్టీ ఎదుగుదలకు కీలకమని, బీజేపీ అన్నామలైను నాయకత్వంలో కొనసాగించేందుకు అన్ని ప్రయత్నాలు చేయాల్సిందని ఆయన సూచించారు. జూన్ 5న బీజేపీకి రాజీనామా చేసిన అన్నామలై కొత్త రాజకీయ ఉద్యమాన్ని ప్రారంభించగా, ఆయన నిష్క్రమణ తమిళనాడు రాజకీయాల్లో పెద్ద చర్చకు దారితీసింది. పవన్ మద్దతు ఆయనకు పెద్ద బలంగా మారిందని రాజకీయ వర్గాలు భావిస్తున్నాయి.