నవీన్ యాదవ్ అనే నేను - ఏంఎల్ఏ గా ప్రమాణ స్వీకారం!

జూబ్లీ హిల్స్ ఉప ఎన్నికల్లో విజయం సాధించిన నవీన్ యాదవ్ బుధవారం అసెంబ్లీలో ఎమ్మెల్యేగా ప్రమాణ స్వీకారం చేశారు. ఈ కార్యక్రమం స్పీకర్ గడ్డం ప్రసాద్‌కుమార్ ఆధ్వర్యంలో జరిగింది. నవీన్‌ అధికారికంగా శాసనసభ సభ్యుడిగా బాధ్యతలు తీసుకున్న ఈ వేడుకలో నాయకులు, అధికారులు పాల్గొన్నారు.

ప్రమాణ స్వీకార కార్యక్రమానికి అసెంబ్లీ వ్యవహారాల మంత్రి శ్రీధర్ బాబు, మంత్రి అజారుద్దీన్, బి. ఐలయ్య, ఎంపీ అనిల్‌కుమార్ యాదవ్ హాజరయ్యారు. నవీన్ యాదవ్ తండ్రి శ్రీశైలంయాదవ్, భార్య వర్ష, కుటుంబ సభ్యులు, అలాగే జూబ్లీ హిల్స్ నుండి పెద్దఎత్తున నేతలు కూడా ఈ కార్యక్రమాన్ని అటెండ్ అయ్యారు. ఈ సందర్భంగా అసెంబ్లీ అధికారులు నవీన్‌కు ఐడీ కార్డ్, అసెంబ్లీ పుస్తకాలు అందజేశారు.

తన ప్రమాణ స్వీకారం తర్వాత నవీన్ యాదవ్ సీఎం రేవంత్ రెడ్డి గారికి, పీసీసీ చీఫ్ మహేష్‌కుమార్ గౌడ్ గారికి, అలాగే కాంగ్రెస్ అగ్రనేతలకు కృతజ్ఞతలు తెలిపారు. తమ సహకారం వల్లే ఈ విజయాన్ని సాధించగలిగానని ఆయన పేర్కొన్నారు.