ఇన్‌స్టాగ్రామ్‌లో మోదీకి భారీ ఆదరణ : ప్రపంచ నేతలకు మించి ఫాలోయింగ్

ప్రధాని నరేంద్ర మోదీ ప్రజాదరణ రోజురోజుకీ పెరుగుతూ వస్తోంది. సామాజిక మాధ్యమాల్లో ఆయన ప్రభావం మరింత విస్తరిస్తోంది. తాజాగా ఇన్‌స్టాగ్రామ్‌లో ఆయన ఫాలోవర్ల సంఖ్య 10 కోట్లను దాటడంతో ప్రపంచంలో అత్యధిక ఫాలోవర్లు ఉన్న రాజకీయ నేతగా మోదీ రికార్డు సృష్టించారు. 2014 లో ఇన్‌స్టాగ్రామ్ వినియోగాన్ని ప్రారంభించిన ఆయన డిజిటల్ ప్రభావం అప్పటి నుంచి నిరంతరం పెరుగుతోంది.

ఎక్స్ (మాజీ ట్విట్టర్)లో కూడా మోదీ ఫాలోవర్లు ఇప్పటికే 10 కోట్లను దాటారు. అమెరికా అధ్యక్షుడు డొనాల్డ్ ట్రంప్ (4.3 కోట్లు) కంటే మోదీకి దాదాపు రెట్టింపు ఫాలోవర్లు ఉండటం విశేషం. ఇండోనేసియా అధ్యక్షుడు ప్రబోవో సుబియాంటో (1.5 కోట్లు), బ్రెజిల్ అధ్యక్షుడు (1.4 కోట్లకు పైగా), తుర్కియే అధ్యక్షుడు ఎర్డోగన్ (1.1 కోట్లు), అర్జెంటీనా అధ్యక్షుడు జేవియర్ మిలీ (64 లక్షలు) తదుపరి స్థానాల్లో ఉన్నారు. కాంగ్రెస్ ఎంపీ, లోక్‌సభ ప్రతిపక్ష నేత రాహుల్ గాంధీకి ఇన్‌స్టాగ్రామ్‌లో 1.2 కోట్లకు పైగా ఫాలోవర్లు ఉన్నారు.