హరీష్ రావుపై మంత్రి పొంగులేటి ఫైర్

మంత్రి పొంగులేటి శ్రీనివాస్ రెడ్డి, బీఆర్ఎస్ నేత తన్నీరు హరీష్ రావుపై తీవ్ర విమర్శలు చేశారు. హరీష్ రావుకు బీఆర్ఎస్‌లో తన భవిష్యత్ ఏమిటో కూడా తెలియదని వ్యాఖ్యానిస్తూ, అలాంటి వారు ఫ్యూచర్ సిటీని ఎలా ఆపగలరని ప్రశ్నించారు. అమెరికాలో ఉండి ఫ్యూచర్ సిటీని ఆపుతామని ప్రకటించడం వెనుక ఉద్దేశం ఏమిటని, భూముల విషయంలో ఎవరిదైనా ఒప్పందాలు ఉన్నాయా అని ఆయన నిలదీశారు.

హైదరాబాద్ అభివృద్ధి కోసం కాంగ్రెస్ ప్రభుత్వం కొత్త నగరాన్ని నిర్మిస్తుంటే, బీఆర్ఎస్ నాయకులు అడ్డుపడుతున్నారని ఆరోపించారు. గత పదేళ్లలో మెట్రో విస్తరణలో పురోగతి లేదని విమర్శిస్తూ, ఫాంహౌస్ రాజకీయాలు మాత్రమే జరిగాయని అన్నారు. మూసీ ప్రాజెక్ట్, లగచర్ల పరిశ్రమల విషయంలోనూ అడ్డంకులు సృష్టించారని పేర్కొన్నారు. ప్రజల ఆశీస్సులతో కాంగ్రెస్ తిరిగి అధికారంలోకి వస్తుందని, ఫ్యూచర్ సిటీని దేశం గర్వించేలా నిర్మిస్తామని స్పష్టం చేశారు.