బిజినెస్
బీఆర్ఎస్ దివంగత నాయకుడు మాగంటి గోపీనాథ్ ఆస్తుల పంపకాలు తెలంగాణ రాజకీయాల్లో హాట్టాపిక్గా మారాయి. ఈ ఆస్తుల విషయంలో సీఎం రేవంత్రెడ్డి, బీఆర్ఎస్ వర్కింగ్ ప్రెసిడెంట్ కేటీఆర్ మధ్య సీరియస్గా తగువులు జరుగుతున్నాయని కేంద్ర హోంశాఖ సహాయ మంత్రి బండి సంజయ్ ఆరోపించారు. శుక్రవారం హైదరాబాద్లోని బీజేపీ రాష్ట్ర కార్యాలయంలో మీడియాతో మాట్లాడిన బండి సంజయ్ మాట్లాడుతూ, “మాగంటి ఆస్తుల విషయంలో రేవంత్, కేటీఆర్లు కొట్లాడుకుంటున్నారు. ఇది ఏ కుటుంబ గొడవ కాదు, రాజకీయంగా లాభాలు చూసుకునే సర్దుబాటు,” అని తీవ్రంగా విమర్శించారు. మాగంటి ఆస్తులు ఎవరికి ఎలా బదిలీ అయ్యాయో సీఎం రేవంత్ ప్రజలకు స్పష్టత ఇవ్వాలని ఆయన డిమాండ్ చేశారు.
“ఆస్తులు మీ పేర్లకు, కేటీఆర్ పేర్లకు మారలేదని గుండెల మీద చేయి వేసి చెప్పగలరా?” అని ప్రశ్నించిన బండి సంజయ్, మాగంటి గోపీనాథ్ మృతిలో మిస్టరీ ఉందని ఆయన తల్లి చేసిన ఆరోపణలపై విచారణకు రేవంత్ ధైర్యం చూపలేదని విమర్శించారు. “మాగంటి మరణంపై కేసు వేయాలంటే రేవంత్, కేటీఆర్ స్నేహం అడ్డుగా మారుతోంది. ఆస్తుల వాటాలో రేవంత్కూ భాగం ఉందని అందుకే ఆయన నిశ్శబ్దంగా ఉన్నారు,” అని ఆరోపించారు. ఇంకా బండి సంజయ్ మాట్లాడుతూ, “మాగంటి కుటుంబంలో ఇద్దరు సతీమణుల్లో ఒకరికి కాంగ్రెస్, మరొకరికి బీఆర్ఎస్ మద్దతు ఇస్తున్నాయి. ఇద్దరి వాటాల్లో కమిషన్లు దండుకునేందుకే ఈ రాజకీయ నాటకం నడుస్తోంది,” అని తెలిపారు. కాంగ్రెస్ పార్టీ ఇప్పుడు ఇండియన్ నేషనల్ కాంగ్రెస్ (INC) కాకుండా, ఇండియన్ ముస్లిం కాంగ్రెస్ (IMC)గా మారిందని ఎద్దేవా చేశారు. “జూబ్లీహిల్స్ ఉపఎన్నికలో అసలు పోటీ బీజేపీతో కాకుండా IMCతో జరుగుతోంది,” అని సంజయ్ పేర్కొన్నారు.
తన సభలకు పోలీసులు అనుమతులు ఆలస్యం చేస్తున్నారని, అదే సమయంలో కేటీఆర్కి అనుమతులు సులభంగా ఇస్తున్నారని ఆయన మండిపడ్డారు. “రేవంత్, కేటీఆర్లు దోస్తులు. అందుకే పోలీసులూ, ఎన్నికల కమిషన్ కూడా వారివైపు మొగ్గు చూపుతున్నాయి,” అని బండి సంజయ్ ఆరోపించారు. గోపీనాథ్ తల్లి చేసిన ఆవేదనపై స్పందించిన ఆయన, “ఒక కన్నతల్లి తన కుమారుడి మరణంపై న్యాయం అడుగుతోంది. ఆ మిస్టరీ తేల్చడం సీఎం బాధ్యత. కానీ రేవంత్ గుండె మాత్రం కరగడం లేదు,” అన్నారు. తారక్ చేసిన ప్రకటనలను ప్రస్తావిస్తూ, “గోపి కుమారుడిని బెదిరించిన మాజీ మంత్రి ఎవరు? ఐసీయూలో చూపించకుండా అడ్డుకున్నది ఎందుకు?” అని ప్రశ్నించారు.
ఈ ఘటనపై విచారణ జరిపి, ఆస్పత్రి వైద్యులు, కుటుంబ సభ్యుల స్టేట్మెంట్లు రికార్డు చేయాలని బండి సంజయ్ డిమాండ్ చేశారు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!