లైసెన్స్డ్ సర్వేయర్ల సమస్యలను వెంటనే పరిష్కరించాలి: హరీశ్ రావు

సర్వే భవన్ వద్ద తమ న్యాయమైన డిమాండ్ల పరిష్కారం కోసం శాంతియుతంగా నిరసన చేస్తున్న లైసెన్స్డ్ సర్వేయర్లను అరెస్ట్ చేయడాన్ని మాజీ మంత్రి, బీఆర్ఎస్ డిప్యూటీ ఫ్లోర్ లీడర్ హరీశ్ రావు తీవ్రంగా ఖండించారు. సమస్యలను పరిష్కరించాల్సిన ప్రభుత్వం అరెస్టులతో సర్వేయర్ల గొంతును అణచివేయడం అప్రజాస్వామికమని ఆయన అన్నారు. లైసెన్స్డ్ సర్వేయర్ల సమస్యలకు ప్రభుత్వం తక్షణమే పరిష్కారం చూపాలని డిమాండ్ చేశారు.

రాష్ట్రవ్యాప్తంగా సుమారు 6,500 మంది సర్వేయర్లు ఏడాది కాలంగా ఎలాంటి చెల్లింపులు లేకుండా ఎలా జీవించగలరని హరీశ్ రావు ప్రశ్నించారు. తమ కుటుంబాలను ఎలా పోషించుకోవాలని ఆవేదన వ్యక్తం చేస్తున్న సర్వేయర్ల సమస్యలను ప్రభుత్వం పట్టించుకోవాలని కోరారు. అరెస్ట్ చేసిన వారిని వెంటనే విడుదల చేయడంతో పాటు లైసెన్స్డ్ సర్వేయర్లతో ప్రభుత్వం తక్షణమే చర్చలు జరిపి, వారి సమస్యలను పరిష్కరించాలని హరీశ్ రావు డిమాండ్ చేశారు.