నేటితో ముగియనున్న GHMC పాలక మండలి గడువు

నేటితో గ్రేటర్ హైదరాబాద్ మున్సిపల్ కార్పొరేషన్ (GHMC) పాలక మండలి గడువు ముగియనుంది. ఈ నేపథ్యంలో GHMCని మూడు ప్రత్యేక కార్పొరేషన్‌లుగా విభజించేందుకు తెలంగాణ ప్రభుత్వం కీలక నిర్ణయం తీసుకున్నట్లు తెలుస్తోంది. ఈ మేరకు త్వరలోనే అధికారిక ఉత్తర్వులు జారీ చేయనున్నట్లు ప్రభుత్వ వర్గాలు వెల్లడించాయి.

మూడు కొత్త కార్పొరేషన్‌లకు అవసరమైన కార్యాలయాల ఏర్పాట్లు ఇప్పటికే పూర్తయ్యాయని అధికారులు తెలిపారు. పరిపాలన సౌలభ్యం, మెరుగైన పౌర సేవల లక్ష్యంగా ఈ విభజన చేపడుతున్నట్లు సమాచారం. అలాగే, GHMC పరిధిలో ఆరు నెలల్లోపు ఎన్నికలు నిర్వహించేందుకు కూడా ప్రభుత్వం ప్రణాళికలు సిద్ధం చేస్తున్నట్లు తెలుస్తోంది.