కర్ణాటక సీఎం పీఠంపై డీకే శివకుమార్‌కు పట్టం?

కర్ణాటక రాజకీయాల్లో కీలక పరిణామాలు చోటుచేసుకుంటున్నాయి. సిద్ధరామయ్య నేడు ముఖ్యమంత్రి పదవికి రాజీనామా చేసే అవకాశమున్నట్లు రాజకీయ వర్గాల్లో జోరుగా చర్చ సాగుతోంది. ముందుగా మంత్రులు, ఎమ్మెల్యేలకు అల్పాహార విందు ఇచ్చిన అనంతరం గవర్నర్‌ను కలిసి రాజీనామా సమర్పించనున్నట్లు సమాచారం. ఆ తర్వాత కాంగ్రెస్ శాసనసభ పక్షం సమావేశమై కొత్త ముఖ్యమంత్రిని ఎన్నుకునే అవకాశముంది.

ఉప ముఖ్యమంత్రి డీకే శివకుమార్ సీఎం పదవికి ప్రధాన పోటీదారుగా నిలుస్తున్నారు. మే 30న ఆయన ప్రమాణ స్వీకారం జరిగే అవకాశమున్నట్లు ప్రచారం జరుగుతోంది. బెంగళూరులో కాంగ్రెస్ శ్రేణుల్లో ఉత్కంఠ నెలకొనగా, డీకే శివకుమార్ అభిమానులు ఇప్పటికే సంబరాలు ప్రారంభించారు. అయితే నాయకత్వ మార్పుపై కాంగ్రెస్ అధిష్ఠానం అధికారిక ప్రకటన మాత్రం ఇంకా వెలువడలేదు.