ఎంజీఆర్ మార్గంలోనే నా ప్రయాణం: సీఎం విజయ్

తమిళనాడు ముఖ్యమంత్రి విజయ్ సీఎంగా బాధ్యతలు స్వీకరించిన తర్వాత తొలిసారిగా తిరుచ్చిలో నిర్వహించిన బహిరంగ సభలో పాల్గొన్నారు. ఎన్నికల్లో తన పార్టీకి విజయం అందించిన ప్రజలకు కృతజ్ఞతలు తెలిపిన విజయ్, ముఖ్యమంత్రిగా కాకుండా ప్రజల సేవకుడిగా పనిచేస్తానని అన్నారు. రాష్ట్ర హక్కులు, లౌకికవాదం విషయంలో ఎలాంటి రాజీ ఉండబోదని స్పష్టం చేశారు. తన విజయాన్ని మాజీ ముఖ్యమంత్రి ఎం. జి. రామచంద్రన్ విజయంతో పోలుస్తున్నప్పటికీ, తాను అంతటి మహానేతతో పోల్చుకోనని, ఎంజీఆర్‌, అన్నా, పెరియార్ చూపిన మార్గంలో నడుస్తానని హామీ ఇచ్చారు.

సభలో డీఎంకే, అన్నాడీఎంకే పార్టీలపై విమర్శలు గుప్పించిన విజయ్, కుటుంబ రాజకీయాలే డీఎంకే పరాజయానికి కారణమని ఆరోపించారు. ప్రజలను ఎన్నేళ్లుగా మోసం చేసిన పార్టీలకు ఓటర్లు తగిన గుణపాఠం చెప్పారని వ్యాఖ్యానించారు. అలాగే, తన బ్లాక్ అండ్ వైట్ సూట్ గురించి అడిగిన ప్రశ్నకు స్పందిస్తూ, అది పారదర్శకత, నిరాడంబరతకు ప్రతీక అని చెప్పారు. అది కేవలం ఉన్నతాధికారుల డ్రెస్ కోడ్ కాదంటూ చమత్కరించారు.