ఏపీ స్థానిక సంస్థల ఎన్నికల ఫిర్యాదులకు కంట్రోల్ రూమ్ ఏర్పాటు.. ఫోన్ నంబర్లు ఇవే

ఆంధ్రప్రదేశ్‌లో పట్టణ, గ్రామీణ స్థానిక సంస్థల రెండో సాధారణ ఎన్నికల నేపథ్యంలో ఎన్నికలకు సంబంధించిన ఫిర్యాదులను స్వీకరించేందుకు రాష్ట్ర ఎన్నికల సంఘం కంట్రోల్ రూమ్‌ను ఏర్పాటు చేసింది. విజయవాడలోని ఏపీ స్టేట్ ఎలక్షన్ కమిషన్ కార్యాలయంలో ఈ కేంద్రం అందుబాటులో ఉంటుందని ఎన్నికల సంఘం వెల్లడించింది. ఎన్నికల సమయంలో ఎదురయ్యే సమస్యలు, ఇతర ఫిర్యాదులను సంబంధిత అధికారుల దృష్టికి తీసుకెళ్లేందుకు ఈ సదుపాయాన్ని వినియోగించుకోవచ్చని తెలిపింది.

ఫిర్యాదులు లేదా సమస్యలను తెలియజేయాలనుకునే వారు (0866) 2490023, 2490024, 2490025, 2490026 ఫోన్ నంబర్లను సంప్రదించవచ్చు. అలాగే secy.apsecl@gmail.com, secy.apsec2@gmail.com ఈ-మెయిల్ చిరునామాలకు ఫిర్యాదులను పంపవచ్చు. ఎన్నికలకు సంబంధించిన అదనపు సమాచారం, అధికారిక వివరాల కోసం https://sec.ap.gov.in వెబ్‌సైట్‌ను సందర్శించాలని రాష్ట్ర ఎన్నికల సంఘం సూచించింది.