ప్రపంచాన్ని 150 సార్లు పేల్చేయగలం – అణు శక్తిపై ట్రంప్ వ్యాఖ్యలు, శాంతి పిలుపు

అమెరికా  అధ్యక్షుడు డోనాల్డ్ ట్రంప్ మరోసారి సంచలన వ్యాఖ్యలు చేశారు. అమెరికా అణు సామర్థ్యాల గురించి మాట్లాడుతూ, “మా వద్ద ఉన్న అణ్వాయుధాలతో ప్రపంచాన్ని 150 సార్లు పేల్చేయగలం” అని అన్నారు. అమెరికా ఇప్పటికీ ప్రపంచంలో అణు శక్తి పరంగా అగ్రస్థానంలో ఉందని ట్రంప్ పేర్కొన్నారు. “ అణు నిరాయుధీకరణ గొప్ప ఆలోచన. కానీ మన వద్ద ఉన్న అణ్వాయుధాలు దేశ రక్షణకు సరిపోతాయి. వాటిని వాడాల్సిన అవసరం లేదు,” అని తెలిపారు.

అలాగే రష్యా అధ్యక్షుడు వ్లాదిమిర్ పుతిన్, చైనా అధ్యక్షుడు షీ జిన్‌పింగ్‌లతో ఈ అంశంపై చర్చించినట్లు ట్రంప్ వెల్లడించారు. “ప్రతి దేశం కూడా యుద్ధాల కంటే అభివృద్ధి, ప్రజా సేవలపై దృష్టి పెట్టాలని కోరుకుంటోంది. నేనూ ప్రపంచ శాంతినే కోరుకుంటున్నాను,” అని ట్రంప్ అన్నారు.

ట్రంప్ చేసిన ఈ వ్యాఖ్యలు ప్రపంచ రాజకీయ వర్గాల్లో మళ్లీ అణు ఆయుధాల భద్రత, శాంతి కాంక్షలపై చర్చకు దారి తీశాయి.