దే కాల్ హిమ్ OG త్వరలో ఓటిటీలో రిలీజ్ కానుంది!

పవన్ కళ్యాణ్ నటించిన ‘దే కాల్ హిమ్ OG’ సెప్టెంబర్ 25న విడుదలై భారీ హిట్‌గా నిలిచింది. ప్రపంచవ్యాప్తంగా దాదాపు ₹300 కోట్ల వసూళ్లు సాధించి, ఈ ఏడాది అత్యధిక వసూళ్లు సాధించిన తెలుగు చిత్రంగా నిలిచింది.

ఇప్పుడు ఈ సినిమా త్వరలోనే ఓటిటీలోకి వస్తోంది. నెట్‌ఫ్లిక్స్ వేదికగా అక్టోబర్ 23న స్ట్రీమింగ్ కాబోతోంది. థియేటర్‌లో విడుదలైన నాలుగు వారాలకే డిజిటల్ రిలీజ్ ఇవ్వడం వల్ల అభిమానులు ఆనందంగా ఉన్నారు.

ఈ చిత్రంలో పవన్ కళ్యాణ్‌తో పాటు ఇమ్రాన్ హష్మీ, ప్రియాంక అర్ల్ మోహన్, నేహా శెట్టి, అర్జున్ దాస్, శ్రియా రెడ్డి, ప్రకాశ్ రాజ్ తదితరులు నటించారు. దర్శకత్వం సుజీత్, సంగీతం థమన్, నిర్మాణం డి.వి.వి ఎంటర్‌టైన్‌మెంట్స్.