ఓటీటీలోకి రష్మిక కొత్త సినిమా..

నేషనల్ క్రష్ రష్మిక మందన్న నటించిన బాలీవుడ్ హారర్ కామెడీ చిత్రం ‘థామా’ బాక్సాఫీస్ దగ్గర మంచి విజయాన్ని అందుకుంది. ఆయుష్మాన్ ఖురానా హీరోగా, నవాజుద్దీన్ సిద్ధిఖీ విలన్ పాత్రల్లో నటించిన ఈ సినిమాను మ్యాడాక్ హారర్ కామెడీ యూనివర్స్(MHCU) లో భాగంగా రూపొందించారు. ఆదిత్య సర్పోట్దార్ డైరెక్షన్‌లో తెరకెక్కిన ఈ సినిమా అక్టోబర్ 21న గ్రాండ్ రిలీజ్ అయ్యి బాక్సాఫీస్ హిట్ చిత్రంగా నిలిచింది.

అయితే, ఇప్పుడు ఈ సినిమా ఓటీటీ ఆడియెన్స్‌ను ఎంటర్‌టైన్ చేసేందుకు రెడీ అవుతోంది. ప్రముఖ ఓటీటీ ప్లాట్‌ఫామ్ ఆమెజాన్ ప్రైమ్ వీడియోలో ఈ సినిమా డిసెంబర్ 2 నుండి స్ట్రీమింగ్ కానుంది. అయితే, రెంట్ పద్ధతిలో ఈ సినిమా అందుబాటులోకి వస్తుందని తెలుస్తోంది. ఇక రెగ్యులర్ సబ్‌స్క్రైబర్స్‌కు ఈ సినిమా డిసెంబర్ 16 నుండి అందుబాటులోకి రానుంది.

ఈ సినిమాను థియేటర్లలో మిస్ అయిన ఆడియన్స్ ఓటీటీలో చూసి ఎంజాయ్ చేస్తారని మేకర్స్ ధీమా వ్యక్తం చేస్తున్నారు. మరి ఈ సినిమాకు ఓటీటీలో ఎలాంటి రెస్పాన్స్ దక్కుతుందో చూడాలి.