బాక్సాఫీస్ నుంచి ఓటీటీ వరకు దూసుకు పోతున్న రాజు వెడ్స్ రాంబాయి మూవీ

మంచి సినిమా అయితే వేదిక ఏదైనా ప్రేక్షకులు ఆదరిస్తారని మరోసారి నిరూపించింది కల్ట్ రూరల్ బ్లాక్ బస్టర్ మూవీ ‘రాజు వెడ్స్ రాంబాయి’. ఈ చిత్రం థియేటర్లలో రూ.20 కోట్లకు పైగా కలెక్షన్లు సాధించి, కంటెంట్ ఉన్న చిన్న సినిమాలకు ఉన్న శక్తిని చూపించింది. ప్రేక్షకుల నుంచి వచ్చిన పాజిటివ్ స్పందనతో ఈ సినిమా బాక్సాఫీస్ వద్ద మంచి విజయాన్ని నమోదు చేసింది.

థియేటర్లలోనే కాదు, ఓటీటీలో కూడా ఈ సినిమా తన సత్తా చాటింది. ఈటీవీ విన్‌లో స్ట్రీమింగ్ అవుతున్న ‘రాజు వెడ్స్ రాంబాయి’ మూవీకి 100 మిలియన్ ప్లస్ మినిట్స్ వ్యూయర్ షిప్ రావడం విశేషం. హార్ట్ టచింగ్ లవ్ స్టోరీగా ప్రేక్షకులు, విమర్శకుల నుంచి ప్రశంసలు అందుకుంటూ ఈ సినిమా మరింత గుర్తింపు తెచ్చుకుంది.

ఈ చిత్రాన్ని డా. నాగేశ్వరరావు పూజారి సమర్పణలో డోలాముఖి సుబల్టర్న్ ఫిలింస్, మాన్ సూన్స్ టేల్స్ బ్యానర్స్‌పై వేణు ఊడుగుల, రాహుల్ మోపిదేవి నిర్మించారు. సాయిలు కంపాటి దర్శకత్వం వహించారు. వంశీ నందిపాటి ఎంటర్‌టైన్‌మెంట్స్, బన్నీ వాస్ వర్క్స్ బ్యానర్స్‌పై వంశీ నందిపాటి, బన్నీ వాస్ కలిసి ఈ సినిమాను గ్రాండ్‌గా థియేటర్లలో విడుదల చేశారు.