టాక్సిక్ ఫస్ట్ వీక్ కలెక్షన్స్‌ ఎంతంటే?

కన్నడ రాకింగ్ స్టార్ యశ్ హీరోగా తెరకెక్కిన లేటెస్ట్ భారీ చిత్రం టాక్సిక్. కీయారా అద్వానీ, రుక్మిణి వసంత్, తార సుతారియా, నయనతార తదితర స్టార్ తారాగణంతో రూపొందిన ఈ సినిమాపై విడుదలకు ముందే భారీ అంచనాలు నెలకొన్నాయి. భారీ బుకింగ్స్‌ మధ్య ప్రేక్షకుల ముందుకు వచ్చిన ఈ చిత్రం తొలి రోజే ప్రపంచవ్యాప్తంగా ₹150 కోట్లకు పైగా గ్రాస్‌ వసూళ్లు సాధించింది. అయితే రెండో రోజు నుంచే కలెక్షన్లలో గణనీయమైన తగ్గుదల కనిపించింది.

ట్రేడ్ వర్గాలు, కన్నడ సినీ పరిశ్రమకు చెందిన పీఆర్‌ లెక్కల ప్రకారం.. తొలి రోజు తర్వాత మరో ₹150 కోట్ల గ్రాస్‌ను రాబట్టేందుకు టాక్సిక్కు ఆరు రోజులు పట్టినట్లు తెలుస్తోంది. దీంతో తొలి వారం రన్ పూర్తయ్యే సమయానికి ఈ చిత్రం ప్రపంచవ్యాప్తంగా ₹310 కోట్లకు పైగా గ్రాస్‌ వసూళ్లు సాధించినట్లు సమాచారం. ఇందులో దాదాపు సగం వసూళ్లు హిందీ మార్కెట్‌ నుంచే రావడం విశేషం. ఇక ఈ సినిమా ఫైనల్‌గా ఎక్కడి వరకు వెళ్తుందో చూడాలి. రవి బసృర్ సంగీతం అందించిన ఈ చిత్రాన్ని యశ్, కే. వెంకట నారాయణ నిర్మించారు.