సంక్రాంతి రేసు లో శర్వానంద్ మూవీ నారీ నారీ నడుమ మురారి

చార్మింగ్ స్టార్ శర్వానంద్ నటిస్తున్న ఫీల్ గుడ్ ఫ్యామిలీ ఎంటర్టైనర్ నారీ నారీ నడుమ మురారి ఈ సంక్రాంతికి విడుదల కానుంది. ‘సామజవరగమన’తో హిట్ ఇచ్చిన రామ్ అబ్బరాజు దర్శకత్వంలో, రామబ్రహ్మం సుంకర AK ఎంటర్‌టైన్‌మెంట్స్ బ్యానర్‌పై, అడ్వెంచర్స్ ఇంటర్నేషనల్‌తో కలిసి ఈ సినిమా నిర్మిస్తున్నారు. హీరోయిన్‌లుగా సంయుక్త, సాక్షి వైద్య నటిస్తున్నారు. జనవరి 14న వరల్డ్‌వైడ్‌గా రిలీజ్ అవుతుందని చిత్ర బృందం అధికారికంగా ప్రకటించింది. అంతేకాదు, ఫస్ట్ షో ముహూర్తాన్ని సైతం 5:49 PM గా ఫిక్స్ చేశారు. సాధారణంగా పండగరోజుల్లో సినిమాలు ఉదయం షోలతో మొదలవుతాయి కాబట్టి ఈ ఈవ్‌నింగ్ ముహూర్తం చాలా యూనిక్‌ అని చెప్పాలి.

ఇంట్రెస్టింగ్‌గా, శర్వా గత సంక్రాంతి బ్లాక్‌బస్టర్లు శతమానంభవతి, ఎక్స్‌ప్రెస్ రాజా కూడా జనవరి 14కి వచ్చినవే. ఈసారి కూడా అదే డేట్ సినిమాకి పాజిటివ్‌గా పనిచేస్తుందని టీమ్ నమ్ముతోంది. అనౌన్స్‌మెంట్ పోస్టర్‌లో శర్వా స్టైలిష్ లుక్‌లో కన్‌ఫ్యూజ్ అయ్యినట్టుగా కనిపిస్తాడు, సంయుక్త టెన్షన్ లుక్‌లో కనిపిస్తుండగా, సాక్షి వైద్య మాత్రం చీర్‌ఫుల్‌గా కనిపిస్తుంది. పూల అలంకరణలు, కలర్‌ఫుల్ బ్యాక్‌డ్రాప్ మొత్తం పండగ ఫీలింగ్‌ను తీసుకు వస్తాయి. అంటే సినిమా హాస్యం, ఎమోషన్స్, ఫ్యామిలీ డ్రామా మిక్స్‌తో వస్తుందని క్లియర్‌గా తెలుస్తోంది.

సినిమాకి బలమైన టెక్నికల్ టీమ్ ఉంది మ్యూజిక్ డైరెక్టర్ విశాల్ చంద్రశేఖర్, సినిమాటోగ్రాఫర్లు జ్ఞానశేఖర్ వీఎస్ & యువరాజ్, కథ భాను బోగవరపు, డైలాగ్స్ నందు సవిరిగాణ, ఆర్ట్ డైరెక్షన్ బ్రహ్మ కడలి. అజయ్ సుంకర కో-ప్రొడ్యూసర్‌గా, కిషోర్ గరికిపాటి ఎగ్జిక్యూటివ్ ప్రొడ్యూసర్‌గా ఉన్నారు. త్వరలోనే ప్రమోషన్స్ నెక్స్ట్ ఫేజ్ స్టార్ట్ చేస్తామని టీమ్ చెప్పింది, ఇంకా ఇంట్రెస్టింగ్ అప్‌డేట్స్ రాబోతున్నాయి.