నటుడిగా, నిర్మాతగా నందు ఆకట్టుకుంటాడా ?

‘సైక్ సిద్ధార్థ’ రెండో పాట లాంచ్ కార్యక్రమంలో నిర్మాత సురేష్ బాబు తన నమ్మకాన్ని వ్యక్తం చేశారు. టీమ్ పూర్తిస్థాయి అంకితభావంతో, కొత్త దృష్టికోణంతో ఈ చిత్రాన్ని రూపొందించిందని ఆయన అన్నారు. ఒక క్లిష్టమైన అంశాన్ని స్వీకరించి తమ వంతు సాయశక్తులా కృషి చేసిన బృందాన్ని ఆయన అభినందించారు. సినిమా ఎనర్జిటిక్‌గా, విజువల్‌గా ప్రత్యేకంగా అనిపిస్తోందని, ఒక సన్నివేశం తనను కూడా నవ్వించిందని చెప్పారు. అది ఈ సినిమాలో భావోద్వేగం, వినోదం సమన్వయం ఉన్నట్టు తనకు నమ్మకం కలిగించిందని తెలిపారు.

నటుడిగా, నిర్మాతగా ద్విపాత్ర పోషించిన నందును కూడా సురేష్ బాబు ప్రత్యేకంగా ప్రశంసించారు. సెట్లో ప్రతి అంశాన్ని స్వయంగా పర్యవేక్షిస్తూ, హార్డ్ వర్క్‌తో సినిమాను పూర్తిచేశాడని పేర్కొన్నారు. ప్రేక్షకులు, సినీ పరిశ్రమ ఈ చిత్ర బృందానికి మద్దతు ఇవ్వాలని ఆయన అభ్యర్థించారు. అలాంటి ప్రోత్సాహంతో కొత్త ప్రతిభ, కొత్త నిర్మాణ సంస్థలు ఎదుగుతాయని అన్నారు. డిసెంబర్ 12న విడుదలకానున్న ‘సైక్ సిద్ధార్థ’ సినిమాకు మంచి ఆదరణ లభించాలని, మొత్తం టీమ్‌కు ఆయన శుభాకాంక్షలు తెలిపారు.