మెగాస్టార్ సినిమాలో రమణ గోగుల సాంగ్ ఎందుకు లేదు? క్లారిటీ ఇచ్చిన అనిల్ రావిపూడి!

మెగాస్టార్ చిరంజీవి హీరోగా, అనిల్ రావిపూడి దర్శకత్వంలో తెరకెక్కిన ‘మన శంకర వరప్రసాద్ గారు’ సినిమాలో రమణ గోగుల పాడిన పాట ఎందుకు వినిపించలేదన్న ప్రశ్నకు దర్శకుడు తాజాగా క్లారిటీ ఇచ్చారు. రమణ గోగులతో నిజంగా ఒక పాట రికార్డ్ చేశామని, కానీ అది చాలా మెలోడియస్‌గా, డ్యుయెట్ స్టైల్‌లో ఉందని అనిల్ వెల్లడించారు.

సినిమా ప్రారంభంలో వచ్చే మొదటి పాట చాలా ఎనర్జీతో, ఊపు కలిగించేలా ఉండాలని తాను భావించినట్టు చెప్పారు. అయితే రమణ గోగుల పాడిన మెలోడీ సాంగ్ ఆ స్థాయిలో జోష్ ఇవ్వలేదని అనిపించడంతో దానిని సినిమాలో ఉపయోగించలేదని వివరించారు. ఆ పాట స్థానంలో మాస్ ప్రేక్షకులకు నచ్చేలా, చిరంజీవి పాత సినిమాల జ్ఞాపకాలు గుర్తుకు తెచ్చే హుక్ స్టెప్ ఉన్న పాటను చేర్చామని తెలిపారు.

ఈ నిర్ణయం సినిమాకు మంచి ప్లస్ అయ్యిందని, ఆ సాంగ్ భారీ హిట్ అయిందని అనిల్ రావిపూడి చెప్పారు. రమణ గోగుల పాడిన పాటను ప్రస్తుతానికి విడుదల చేయడం లేదని, భవిష్యత్తులో తన మరో సినిమాకు ఉపయోగించుకునే అవకాశం ఉందని కూడా స్పష్టం చేశారు.