అభిమానికి క్షమాపణ చెప్పిన వరుణ్ ధావన్..

బాలీవుడ్ హీరో వరుణ్ ధావన్ తన అభిమానికి బహిరంగంగా క్షమాపణ చెప్పడంతో ఈ ఘటన సోషల్ మీడియాలో వైరల్‌గా మారింది. లక్నోలో జరిగిన హై జవాని తో ఇష్క్ హోనా హై ప్రమోషన్లకు వచ్చిన అభిమానులు భారీగా చేరుకున్నారు. ఓ మహిళా అభిమాని గంటల తరబడి ఎదురుచూసినా వరుణ్ కేవలం కొన్ని నిమిషాల్లోనే వెళ్లిపోయారని ఇన్‌స్టాగ్రామ్‌లో వీడియో షేర్ చేయడంతో విషయం హాట్ టాపిక్‌గా మారింది.

దీనికి స్పందించిన వరుణ్ ధావన్, భద్రతా కారణాల వల్ల ముందుగానే వెళ్లాల్సి వచ్చిందని వివరణ ఇచ్చారు. వెంటనే క్షమాపణ చెబుతూ వీడియో కూడా పోస్ట్ చేశారు. అభిమానుల కోసం భవిష్యత్తులో మరింత మంచి ఏర్పాట్లు చేస్తానని హామీ ఇచ్చారు. ఆయన స్పందనపై నెటిజన్లు ప్రశంసలు కురిపిస్తున్నారు.